Lucas 20:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ —Rovichii'o' na rapaxaguinataxanta'pegue na naqataxaquipi, ma' ỹaatqajam nqo'talo ỹansañi naua noho ladocaqa, chaqai nqo'ta quiyim qaỹa'maxate'tegue qaiquin quena co'matqa'. Chaqai na'maxare ỹahotaque nqa'xanñigui aca qa'xanaxaqui paguec loyac cana lapoxoqui', chaqai ná'maq ỹaatqajam lo'yaxanqa nqui'ỹaaqate'.

Lucas 20:46 Iomraidhean Croise

Mateo 16:6

Ca' so Jesús 'naaco' quesaua'maxare: —Ñaqai 'ajñii, rovichii'o' aná'maq pe'taxachigui na pan hueetaugui na fariseoipi chaqai na saduceoipi.

Mateo 23:1

Co'na'le, ca' so Jesús 'naaco' queso qomyipi chaqai quesaua lapaxaguinatqa:

Marcos 8:15

Ca' so Jesús 'neetapegalo' saua'maxare: —'Neeto', se rovichii'a ana pe'taxachigui na pan hueetaugui na fariseoipi chaqai cayi hueeto'ot ñi Herodes.

Lucas 11:43

¡Ỹaatqajam 'xoraiqolqa qamiri fariseo! Ma' qamiri rqo'itaxachii quiyim nqa'xañitañigui ná'maq ỹaatqajam 'ue da lichoxoric cañi lapoxoqui na judioipi, chaqai ỹaatqajam qaỹa'maxate'teguelo qamiri quena' 'ue ca qaiquin queca nayic.

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 14:7

Ca co'na' so Jesús iuanchigui da 'neetari' so nalecseripi quiyim nca'atapegueu'a ná'maq paguec loyac qa'xanaxaquiripi quesó'maq nqui'ỹaxala', ca' ỹa'ue da laqataxac, 'naaco':

Lucas 20:47

Chaqai qai'neeta na'maxare nouora'que naua la'aate' na pa'ỹellipi, ca na'maxare chi nqañoqotaxac, ca ỹo'uet quiyim ladocaic nqai'en ca nqouagaxainaxac. Qam na'maxare paguec lecaic ma'le ca nouaxanaxaset.

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

2 Timoteo 4:15

Qam qami' rovichiro'o' so'maxare, ma' so'maxare ỹaatqajam se nqo'ta da na'qaatec sa'xatqatac.

3 Juan 1:9

Ỹim 'ue aso shiriñi ilaata selata yí'maq mashic icoñiguit da na'qaatec. Qam ca Diótrefes se na'xaỹaxana da qarelaataxanaxac, ma' ca'maxare nqo'ta quiyim qaicaata na'gaxala' quiyi'maxare.