Lucas 20:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ma' quiyi, ca' tot qaica ileu. Ma' 'nejem na piguim laseripi lelaatqaipi ñi qota'olec. Chaqai mashic llaalqaipi ñi qota'olec, ma' mashic liỹa nca'leuec.

Lucas 20:36 Iomraidhean Croise

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Zacarías 3:7

'Neetasa' da la'qaatec ñi qara'gaxala' sqaica lqalanec: Ỹaatqajam quiichiri'ñiguilo naua ñayicyaxaco chaqai 'viichi' naua'que nauá'maq ro'ueenataxahi' nauá'maq samaqairelgoto. Ca no'm 'ñitetegue dajo, ca' chaqa'ma' ro'viiñirañi loqoira'a na no'ueenaxanaxaqui caỹim. Cochi'ta na'maxare chaqai naua nasoxoco, ca' ỹim sa'ue ca romachi' ma'le, viisañiguilo nauajo ilaatqa piguim lase' nauá'maq 'ue da lo'ueenataxanaxague' caỹim. (3.8-10 Ñi qota'olec naqata'a ma'le da lasauaxaset so lalamaxareteripi.)

Mateo 22:30

Ma' ná'maq leuaxaiquipi ma' liỹa qanca'laxatec, ca' tot liỹa 'on, chaqai qaica ca ỹo'naxan aca llaale, ma' 'nejem ma'le na lelaatqaipi ñi qota'olec neeta'gue da piguim.

Marcos 12:25

Qam ma' ỹovita quiyim liỹa qanca'laxatec na leuaxaiquipi, ca tot qaica ca 'on chaqai tot qaica ca ỹo'naxan aca llaale, ma' na'maxare 'nejem ma'le na nelaatqaipi piguim laseripi.

Romanos 8:16

Ca' chaqaiso só'maq Espíritu só'maq necoñiguit ñi qara'al, quiyim 'nerac quiyim mashic qomi' llaalqa ñi qota'a.

1 Corintios 15:26

Ca' só'maq pa'aatec pa'guenaxaua só'maq qanopoxoỹaxajñi, ca chaqaiso' so nelauaxa.

1 Corintios 15:42

Ca' chaqaida 'neeta ma' qanca'laxatec na leuaxaiquipi. Quená'maq qaishinñi tai'a quiyim sogui nichiga', qam cá'maq nca'leuec, ca tai'a quiyim tot ileu.

1 Corintios 15:49

Ca 'nejme' qomi' nagui sanqatañi da no'ueenataxac só'maq 'lauasec, ca' 'nejem qai'neeta cá'maq na'xa'a quiyim qomi' sanaxañi da no'ueenataxac só'maq piguimsec.

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Apocalipsis 20:6

¡Chalego la'maxa quená'maq nouanau'a ma'le só'maq 'auaxaic nca'laqataxanaxac, chaqai lalamaxareteripi ñi qota'a! Ca tot qaỹovira'a quesó'maq co'uaataxanaxaic nelauaxa, ta'ta'a quiyim netaxaỹaxanqajanqaipi quena lalamqateripi ñi qota'a chaqai so Cristo. Ca' quiyi, ca' lotaua so'maxare quiyim nashillipi quecaua mil ñaxari.

Apocalipsis 21:4

Ñi'maxare nquiỹoorec naua'que naua lachi' ma'le yi'maxare. Ca' tot qaica ca nelauaxa, chaqai ca ỹenaxac, chaqai ca naualqategueñi, chaqai ca nqui'ic, ma' ná'ogue ná'maq shi'co' quen 'ue, qaica ime'uegue.

Apocalipsis 22:9

Qam so'maxare 'naapiguiỹa': —'E', sqai 'ñitetegue dajo, ma' ỹim chi lelaatec ñi qota'a. Shinta maqami' chaqai só'maq rqaỹachi'ipi, só'maq letaxaỹaxanqajanqaipi ñi'maxare, chaqai ná'ogue ná'maq na'xaỹaxane'ta ná'maq naneretañi canajo lere. Nqouagaxaiñitot ñi qota'olec.