Lucas 20:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Qam cá'maq taachigui quiyim inoxoneu'a ca liỹa 'laua quiyim mashic liỹa nca'leuec, quecajo liỹa 'laua, ca tot ishit quiyim 'ue ca 'on, chaqai tot ishit 'ue ca ỹo'naxan aca llaale.

Lucas 20:35 Iomraidhean Croise

Mateo 12:32

Chaqai canchaqaica quiyim 'ue ca ỹa'xat se no'uen quenajo ỹale llaalec, qaishiteta qaỹapalaxat ca lasauaxaset. Qam cá'maq retaxaỹa'guit so Espíritu Santo, se qaỹapalaxat quenajo 'laua loqo'm queca liỹa 'laua ñaqa naata.

Mateo 22:29

Ca' so Jesús 'naaco' quesaua'maxare: —Qamiri o'miitac, ma' sqa 'yiiñii' naua naneresañi la'qaatqa ñi qota'olec chaqai da lquesaxanaxa.

Marcos 10:42

Qam so Jesús roỹaxanouguilo, ca 'naapegalo': —Qamiri 'yiiñita da leloxoỹaxac na nashillipi quiyim reloxoỹa'a na ỹoreta'oguit qomyipi, na'maxare 'eco' ilaretac na liỹaripi, chaqai ná'maq quesaxanaxaiquipi, na'maxare ỹo'uet quiyim qana'xaỹaxana ca lelaataxanaxac ná'ogue na liỹaripi.

Marcos 12:24

Ca' so Jesús 'naaco' quesaua'maxare: —Qamiri o'miỹac, ma' sqa 'yiiñii ca reloqo'teguelo naua nanerasañi na'qaatqa, chaqai da lquesaxanaxa ñi qota'olec.

Lucas 16:8

Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Juan 5:29

ca nenoxonshiguim ma'le quena leuaxaic lahiripi. Ca ná'maq ỹa'maqachiguiñi ná'maq ỹo'uet, ca icoñiguit da lca'laxa; qam ná'maq se no'uen dá'maq ỹo'uet, liỹa nenoxonshiguim, qam icoñiguit da nouaxanaxaset.

Hechos 24:15

Chaqai 'nejem da ñaquitaxac quiñi qota'olec dá'maq naquitaxague' naua'maxare, quiyim na leuaxaic liỹa nca'leuec nqohin, ná'ogue na huagaxaraic chaqai na nocqaic.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

2 Tesalonicenses 1:5

Ca' quedajo, ca ichoxot ñi qota'a quiyim se ỹo'maac quiyim imit na qomyipi, ma' ỹahotaque quiyim noxoñiu'a qamiri cá'maq ñaqa naataho lo'ueenataxanaxac, dá'maq 'em 'uo' nagui da ne'guenaxaguii.

Hebreos 11:35

'Uo' ana 'aalo liỹa icoñiguit na lasauaxanec liỹa nca'leuec. Chaqai 'uo' na ileu queda ne'guenaxac, qam se ỹa'maxaren quiyim qaỹosouec, ma' ỹahotaque quiyim liỹa qanca'laxatec quecá'maq paguec loyac nca'laxa.

Apocalipsis 3:4

Qam 'ue na qomyipi quená'maq neeta'ñi na Sardis se napio'xote' naua loho. Ca na'maxare ñauequeta'pegue' ma'le, ỹansañi caua noho lalagaxaqa, ma' chi no'ueenataxac nqohin.