Lucas 20:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ñigo', ñaq nachaxañim cá'maq chiróla. ¿Negue' lqui'i ñi hueetalec? chaqai ¿negue' leenaxat yí'maq hueetalec? Ca' saua'maxare 'neraco': —Chaqaiñi ñí'maq lashi na nashillipi quiyi Roma.

Lucas 20:24 Iomraidhean Croise

Mateo 18:28

Qam co'na' chi inoxonec sojo nelaatec, ca nachiñi'chiguit so liỹa nelaatec lo'ueenataxanaxaua 'uo' aso la'uallo'lli' queso'maxare. Ca nqosoxone'tot na lqosot, ca ỹovicqoto'ot, ca 'naaco': “¡Shivichiñi' aca ra'ualli'i' caỹim!”

Mateo 20:2

Ca so'maxare na'deena'pegue' so 'ueenataxanaxairipi quiyim ishiueten aso 'óna denario quiyi na'xa'a. Ime, ca' ilare'oga so lanaxanqa' quiyim ro'ueenataxan.

Mateo 22:20

Ca co'na' ỹa'ajan so Jesús, ca renataxano': —¿Negue' lashic ñí'maq hueetalec ana'maxare? chaqai ¿negue' ca leenaxat yí'maq hueetalec?

Marcos 12:16

Ca' qanoda'a. Ca co'na' ỹa'ajan, ca' so Jesús renataxano': —¿Negue' lashic ñí'maq ñijo, chaqai yí'maq neenaxat naneretañi? Ca saua'maxare 'neraco': —Ñí'maq lashi na nashillipi quiyi Roma.

Lucas 2:1

Qam quesaua na'xata', ca so ỹaatqajam lashi na nashillipi, leenaxat Augusto, so'maxare ỹaanec so la'qaatec quiyim ná'ogue na qomyipi qoỹiro na leenqateripi.

Lucas 20:22

Ca' 'qaataxañitema qomi': ¿ỹa'maqachiguiño' quiyim qaishiueten ñi lashi na nashillipi na'ñi yi Roma, loqo'm 'e'?

Lucas 20:23

Qam so Jesús retan quiyim se no'uen da 'neesa'pegue saua'maxare. Ca 'naac: —¿Chi'negue ma' viitaque quiyim yachiiñi?

Lucas 20:25

Ca' so Jesús 'naapegalo': —'Ỹaañim cá'maq chi lalamaxat ñí'maq lashi na nashillipi quiyi Roma, chaqai qai'neeta 'ỹaañim ñí'maq qota'olec cá'maq chi lalamaxat ñi'maxare.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Lucas 3:1

Ca co'na' ỹovite' quince ñaxari da lo'ueenataxanaxac só'maq ỹaatqajam lashi na nashillipi leenaxat Tiberio, qam so Poncio Pilato reloqota'a yi Judea, ca' so Herodes reloqota'a yi Galilea, chaqai so lqaỹa Felipe lotqai reloqota'a yi Iturea chaqai Traconite, chaqai so Lisanias lotqai reloqota'a yi Abilinia.

Hechos 11:28

Quesaua'maxare 'uo' so ỹale leenaxat Agabo, nachajñi, qailligui lauel queso Espíritu Santo quiyim ỹa'xata'guit naata so ỹaatqajam lodegaxat nqopaaxa. Qam llic, ma' dajo ỹovirelec quiyim ipaquichigui na' neetaho so nashi quiyi Roma, leenaxat Claudio.

Hechos 26:32

Ca' so Agripa 'naaco' queso Festo: —Ỹa'maqachiguiñi qaỹosouec quet ñi ỹale, qam chaqaiño' ñí'maq rashiilaxan quiyim qaimit queca lasauaxaset queca qarashi na'ñi yi Roma.

Filipenses 4:22

Ná'ogue ná'maq neeta'ñi najo ná'maq lalamaxareteripi ñi qota'a ila' da liquinaxanaxac, chaqai paguec ná'maq ỹalequetaugui na nalliripi ñí'maq lashi na nashillipi neeta'ñi na Roma.