Lucas 20:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Qam so Jesús ra'ỹaugui so qomyipi, ca 'naaco': —¿Negue' ca reloqo'tegue yi naneretañi la'qaatec ñi qota'olec? Ma' 'naac: So qa' lañijnec ná'maq ỹo'ueetac na 'imec, ca chaqaica ca ỹovira'a quiyim ra'ñichiguiñi nqai'en ca 'imec.

Lucas 20:17 Iomraidhean Croise

Salmos 118:22

Só'maq qa' lañijnec na 'imec lo'ollipi, ca' chaqaiso só'maq 'auaxaic qailliguiñi caso lasogue so 'imec.

Isaías 28:16

Vichiguiño' ñi qara'gaxala' 'naac: Sa'ue ma'le ca qa' sella'ñi yi na'a' Sión, cajo qa' ỹaatqajam nca'acsec, 'xoic lesega'a, ca'maxare qaỹa'auaxanñi qa', ca ỹa'maqachiguiñi quiyim qanoqojshiguim qaỹo'xon. Ca cá'maq pi'ỹa'a ma'le, ca' qaica huapigui lauel i'maqatapeuc.

Mateo 21:42

Ca' so Jesús 'naaco': —¿Se ỹauanapego' quen quiyim taxailgoto naua naneresañi la'qaatqa ñi qota'olec? 'Neracsa': So qa' qaỹañijin queso 'imec lo'ollipi, chaqaiso' só'maq nollaañi ca 'imec. Dajo ỹo'ueeto' na'le ñi qara'gaxala'. Ca' dajo 'ec chalego nqaishinaq na lemaqachic.

Marcos 10:23

Ca' so Jesús ra'ỹaugui só'maq lapoỹaho, ca 'naaco' quesaua lapaxaguinatqa: —¡Ỹaatqajam 'ue da lqalaic queca nesallaxanec quiyim inoxona'a da lo'ueenataxanaxac ñi qota'olec ma' ỹoiquentac ná'ogue najo!

Marcos 12:10

¿Saqa' taxahilgoto' quen yaua naneresañi la'qaatqa ñi qota'olec? Ma' 'nerac: Só'maq qa' ỹañijin so 'imec lo'ollipi, chaqaiso só'maq nollaañi nqohin ca 'imec.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Lucas 19:41

Ca co'na' ipalatau'a yi na'a' lodegaxat Jerusalén, ca co'na' iuana yi'maxare, ca' so'maxare noỹenlec.

Lucas 22:37

Ma' ỹim shinapegalo qamiri quiyim ỹaatqajam ipaquichigui caỹim dajo 'nerac naua nerecse' la'qaatqa ñi qota'a, ma' 'nerac: “Ca qaỹalecqajnougui na sauaqhuaiquipi ca'maxare ma'le.” Ma' ná'ogue na qoỹeretañi caỹim ipaquichigui ma'le.

Lucas 22:61

Ca' quiyi, ca' so qara'gaxala' nqovilca'a so Pedro. Ca' so Pedro ỹo'leente'te ca la'qaatec so qara'gaxala', co'na' 'naac: “Ma' saqa' noỹen ca huaqa'e ma'le', ca' qami' tres noqollicchitegue aỹim, 'ñirac sqa huañirapiguiỹa'.”

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 15:25

Qam dajo 'ue, ma' qaỹahotaque quiyim ipaquichigui nqohin da na'qaatec naneretañi queso naqataxaquipi qoỹaanema saua'maxare, ma' 'nerac: “Qaica quet cá'maq 'neeta, qam qanoquihaỹa'.”

Hechos 4:11

Qamiri 'imec lo'ollipi, sojo Jesús só'maq ỹaatqajam qa', qam qamiri sqai coñiguit, chaqaiso só'maq ỹovita nagui quiyim ra'ñichiguiñi nqai'en ca 'imec, sqai 'nejem ca liỹa qa'.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

1 Pedro 2:6

Vichiguiño' naua naneresañi la'qaatqa ñi qota'a qai'neeta 'nerac: Ỹim sellaañigui na Sión ñi 'óna ñí'maq 'ec qa' nollaañi ca 'imec; ñijo qa' ica'acsec chaqai 'xoic da lovic. Cá'maq huelec ñi'maxare, ca' se nayiloxontac.