Lucas 20:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ma' novita, ca nalauajñi so no'ueenataxanyipi. Ime, ca' ỹaanem ca liỹa 'ueenataxanaxaiquipi so 'laua. Ca co'na' qara'xaỹa dajo, ca 'neraco': —¡Saxanchi' sqai 'ne'tegue dajo ñi qota'olec!

Lucas 20:16 Iomraidhean Croise

Mateo 21:34

Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Mateo 21:41

Ca' qohinaco': —Ỹaatqajam se i'xoren quiyim nalauajñi so hualoxonyipi. Ca ỹa'ualaxanaxan so liỹa 'ueenataxanaxairipi queso na'laua só'maq ỹaanem ma'le só'maq taalec so'maxare ma' ỹovita ca laloqo' qanaqat ana la so nanec.

Mateo 22:7

Co'na'le, ca' so nashi ỹaatqajam ro'o. Ca' ila' so nalliripi quiyim qaỹalauat so lauataxanaxaiquipi chaqai quiyim qaicopata'alo saua la'aate'.

Marcos 12:9

Ca renataxano' so Jesús: —¿Negue' cá'maq 'ne'tegue ma'le só'maq ỹaatqajam lalamaxaret yi 'laua? Nanac, qam nalauajñi so 'ueenataxanaxairipi, ca' ỹoqa'a ca ỹaanem so na'laua quiyim ro'ueenataxanlec.

Lucas 19:27

Qam ná'maq ñpa'guenaxauaripi ná'maq se ỹa'maxaren quiyim aỹim nashi, ca' naviguiu'a aỹim, ca' lauachii ma'le quena seloqota'ñi.”

Lucas 20:15

Ca qaỹauegue'oguiyi queso nanaxanqa'. Ca' ime, ca qaỹalauat. Ca' so Jesús renataxan, 'naaco': —¿Negue' ca 'ne'tegue ma'le so qomyipi só'maq ỹaatqajam lanaxanqa' yi 'laua?

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Romanos 11:1

Nagui, ca' senataxan: ¿Peeta'a ñi qota'olec tot icoñiguito' nagui so Israel laseripi só'maq lalamaxareteripi? ¡'E', mesqaida! Ma' ỹim qai'neeta ỹim Israel le'ec, ỹim lauo' le'ec so Abraham, chaqai sachigoxougui na llaalqaipi so laual Benjamín.

Romanos 11:11

Nagui, ca' senataxan: ¿'Nesam chaqaido' quiyim na judioipi na' repoxolaxan huaañi, ca' tot rapogoxoshiguim? ¡'E', mesqaida! Ta'ta'a quiyim na' se na'xaỹaxan na judioipi, ca' na mesqai judío laseripi 'ue da lligo queda nca'laxa, qaiyi ná'maq Israel laseripi na'ñaxat quiyim ỹadenaxat na'maxare.

Romanos 3:31

Ca quedá'maq qarpi'ỹaxac, ca' ¿qaica ca 'negue nqaishinaq da naqataxaquipi? ¡'E'! Ta'ta'a quiyim se'taxataxañi dá'maq naqataxaquipi.

Romanos 3:4

¡'E'! Ta'ta'a quiyim ñi'maxare ipacqajanchigui ỹo'uet dá'maq lliqueta, 'eno'm ná'ogue na qom 'maatqaic. Ma' 'nerac naua naneresañi la'qaatqa ñi qota'a: Quiyim taxahi', ca' re'oq quiyim ỹaatqajam lliqueta ca 'ñirac, ca' re'qootec quiyim qaica ca rasauaxashichi' ma' qaimit qami'.

Romanos 3:6

¡'Nesa ma' sqai 'neeta dajo! Ma' quetqai ñi qota'olec se ỹa'maxañi ca ỹo'ueetetac, ca ¿negue' quet cá'maq la'maqa' quiyim imit na lasauaxaset na qomyipi?

Romanos 6:15

Ca ¿nega'ỹo' ca shinqac? ¿Sahoqo' ca qarasauaxaset ma' totqai seuqato'ot so naqataxaquipi, ta'ta'a quiyim seuqato'ot da lqouagaxa ñi qota'a? ¡'E', mesqaida!

Romanos 6:2

¡'E', mesqaida! Ma' mashic 'eco' shi'gue qareleu quena nasauaxaset. Ca' ¿chi'negue queta' lotqai liỹa qolqatalec na'maxare?

Romanos 7:13

Ca' ¿peeta'a chaqaino' ná'maq no'uen naqataxaquipi ná'maq yauega'a ca 'ec nelauaxa? ¡'E', mesqaida! Só'maq se no'uen só'maq ỹo'uet da 'ec ilauaxa. Ca' quiyi, ca re'oq quiyim nasauaxaset. Qam ỹachigoxochichigui dá'maq lo'yaxanec. Ca' quiyi, ca dá'maq naqataxac ichoxotec quiyim ỹaatqajam so no'uen dá'maq nasauaxaset.

Romanos 7:7

Ca ¿nega'ỹo' shinqac? ¿Shinqaco' quiyim na naqataxaquipi se no'uen? ¡'E', mesqaida! Ma' ỹim se sa'den quet cá'maq se no'uen, quetqai na naqataxaquipi se ichoxochim. Ma' qai'neeta se sa'den quet quiyim se no'uen qaipita'a ca ỹoqa'a, quetqai se ichoxochim na naqataxaquipi, ma' na'maxare 'naac: “Totaxan ripichira'a ca ỹoqa'a nouenec.”

Romanos 9:14

Ca ¿nega'ỹo' cá'maq shinqac? ¿'Uo' ca se ỹa'maxañi ỹo'ueetetac ñi qota'a? ¡'E', mesqaida!

1 Corintios 6:15

¿Sqa 'yiiñio'da, quiyim ca loshicmaxa quiñi 'óna na'deetau'a ca loshicmaxa so Cristo? Ca ¿peeta'a seshit ñaqateu'a na ỹoshicmaxa na'deetau'a so Cristo, ime, ca' na'deu'a nqaishin ca loshicmaxa aca nedequenaxai? ¡'E', sqaica ma' shi'ntegue queto' dá!

Gálatas 2:17

Ca' nagui qomi' no'm sahoqotaque quiyim ỹa'maxarente' qomi' ñi qota'a chicqochigui nqai'en so Cristo, ca re'oq quiyim qomi' qai'neete' qomi' sauaqhuaqa, ca ¿peeta'a chaqaiso' só'maq Cristo só'maq ỹo'uet quiyim qomi' sauaqhuaqa? ¡'E', hua'iquet!

Gálatas 3:21

Ca dá'maq naqataxaquipi chicqo'ot so Moisés, ca ¿npa'guenaxauo' dá'maq ỹachaxantac na'le ñi qota'a? 'E', mesqaida. Ma' quet qoỹaaneco' na'le ca naqataxac quiyim ca'laqataxan, ca' qaishit queta'le quiyim 'ue ca qaỹa'maxarenta quiñi qota'a quiyim ỹo'uet cajo naqataxac.

Gálatas 6:14

Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.