Lucas 20:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' só'maq lalamaxat lanaxanqa' sojo 'naaco': “¿Nega'ỹo' ca shine'tegue? Nagui sela'o' ñi ỹaatqajam ỹoqo'itaxat ỹaalec, qaiyi ma' qaiuana, ca qana'xaỹaxane'ta ma'le.”

Lucas 20:13 Iomraidhean Croise

Isaías 5:4

¿'Uo' ca saqa' qaỹo'uet quiyi ỹanaxanqa'? ¿Peeta'a 'uo' cá'maq saqa' so'uet quiyi'maxare? Ỹim shintapega quiyim lo'daxarai ana la, qam na' se'guen, ca' lochiviaxai.

Jeremías 36:3

Sqoue ỹaxanñi dá'maq se no'uen ỹo'ueetetac ná'maq neetalec na Judá ma' ỹa'den ná'ogue ná'maq le'xoric sahotaque selata, ca' sapalaxat na se no'uen ỹo'ueetetac chaqai na lasauaxaset.

Jeremías 36:7

Sqoue quiyim ỹashiila ñi qara'gaxala' chaqai ỹaxanñi da se no'uen lo'ueenataxanaxac ma' chalego lecaic dá'maq lonogoxonaxac ñi qara'gaxala' quiyim ỹadentalec na'maxare.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Oseas 6:4

Ca' ñi qara'gaxala' 'naac: ¿Nega'ỹo' ca shinta'gue qami' Efraín? ¿Nega'ỹo' ca shinta'gue qami' Judá? Dá'maq rqo'iichii caỹim, 'ec na neue' quiyi nete'eta, 'ec ana 'ỹa' quiyi na'xa'atac, ma' palac quiyi nete'etam.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Lucas 18:2

Ca' 'naapegalo': —'Uo' so na'a' neeta'ñi so nimiitaxanaq quena nasauaxaset. So'maxare sqaica ca ỹauaaque ñi qota'olec chaqai ná'ogue na qomyipi.

Lucas 18:4

Qam sojo ỹale ỹaatqajam 'vio' saua na'xata' quiyim se na'xaỹaxana aso'maxare. Qam co'na' shi'gom, ca so'maxare ra'deenataxantaco', ca 'naaco': “Aỹim 'eno' sqaica ca sauaaque ñi qota'a chaqai ná'ogue na qomyipi.

Lucas 20:12

Qam so a'co' lotqai liỹa ila' so liỹa lelaatec, qam so no'ueenataxanyipi qai'neeta coñirqachit so'maxare, ca ỹo'da'oguiyi.

Lucas 20:14

Qam só'maq no'ueenataxanyipi co'na' idaana'guit so'maxare, ca na'deenta' 'neraco': “'Ena ná'maq taalec ma'le dá'ogue da nesallaxa. 'Maxaraic salauataq, qaiyi spa'axalec ma'le da'maxare.”

Lucas 9:35

Ca 'uo' so qara'xaỹaque na'qaatec, 'maqatougui so naueguelec, 'naac: —'Eda da ỹaalec ỹoqo'itaxat, chaqaida na'xaỹaxañiỹa.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Romanos 8:3

Ma' ñi qota'a ỹo'uet dá'maq se ishit ỹo'uet dá'maq naqataxaquipi chicqo'ot so Moisés. Ma' na naqataxaquipi se nalo'guit da lquesaxanaxa da lamaanaxanqachic na noshicmaxa. Ca' ñi qota'a ỹo'uet na' nela' so lalamaxaret llaalec quiyim 'nejem nqai'en ca qom, qaiyi qaishit qaỹalauat quiyim ishiueten da nasauaxaset. Ca' dajo 'neetasa': na' nela', qam 'nejem nqai'en ca qom sauaqhuaic. Ca co'na'le, ca' ỹo'uet so nouaxanaxaset só'maq nasauaxaset hueetaugui nqai'en so loshicmaxa so Jesús.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.