Lucas 20:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' só'maq 'co' lotqai ila' so liỹa lelaatec. Qam qai'neeta qaishiuentac chaqai qaỹouaxantac so'maxare, lotqai qaỹopilaxat, qam qaica ca qoỹaanem.

Lucas 20:11 Iomraidhean Croise

Marcos 12:4

Ca só'maq looỹac yi 'laua ỹa'ue so liỹa ila' lelaatec. Qam só, ca qainaqatalec quena qa', chaqai qaicoñirqachit na lqahic, chaqai qaishiuentac.

Lucas 20:10

Ca co'na' ỹovita ca laloqo' quiyim qanaqat ana la, ca ila'o' so lelaatec quiyim rashiilaxanegue quiyim qaỹoỹoote'oga cá'maq taalec so'maxare queso no'ueenataxanyipi. Qam so qomyipi ỹouaxantaco' so nelaatec. Ime, ca' ila', qam qaica ca ỹaanem.

Lucas 20:12

Qam so a'co' lotqai liỹa ila' so liỹa lelaatec, qam so no'ueenataxanyipi qai'neeta coñirqachit so'maxare, ca ỹo'da'oguiyi.

Hechos 7:52

¿Nega'ỹo' ca quesaua qota'a la'qaataxanqajanqa se qaiqa'viỹa'gue queso 'auaxaic qata'illipi? Saua'maxare ỹalauate'o' sauá'maq ỹa'xatesa'guit da loviraxac só'maq ipacqajanchigui ỹo'uet da la'qaatec ñi qota'a. Ca nagui novi' so'maxare, ca qamiri chaqai coñijlec, lauachii.

1 Tesalonicenses 2:2

'Nesa ma' na' seuqata'ñi yi na'a' Filipos ỹaatqajam 'xoic da qanishiuenaxac, chaqai qaỹouaxanta'pe qomi', qam da'maxare mashic shi'gue 'yiiñita. Qam na' ñovitaxalo qamiri, ca' ñi qota'a qarotauan quiyim ra'ñiiguilo nqai'ne' naua qovilli' quiyim sa'xatqatapeguema qamiri dá'maq na'qaatec chicqaugui da nca'laxa chicqo'ot ñi qota'a. 'Eno'm seuqataugui ná'maq 'xoic qanpa'guenaxac.