Lucas 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' chi re'laqataxanta quiyim nachaxan so lelaatec piguim le'ec ñi qara'gaxala'. Ca dá'maq lauaq ñi'maxare ỹaatqajam coỹarelgoto saua'maxare, ca ỹaatqajam 'xoic da lqolonqa'.

Lucas 2:9 Iomraidhean Croise

1 Reyes 8:11

Ca' sauaxat so naueguelec, ca' so netaxaỹaxanqajanqaipi se ishit hueetaugui ñi no'ueenaxanaxaqui quiyim ỹo'uet ca nqouagaxainaxac, ma' da lauaq ñi qara'gaxala' ỹaatqajam no'xataxachichigui aso no'ueenaxanaxaqui.

Éxodo 16:10

Ca na' ñaq retaqatapougui so Aarón so Israel llaalqaipi, ca sá'ogue ra'ỹa'a yi 'laua qaica qom, ca re'oq so lauaq ñi qara'gaxala' hueetaugui so naueguelec.

Éxodo 16:7

Chaqai ma' nete'e ma' nete'etam, ca' huañiỹa ma'le da lquesaxanaxa ñi qara'gaxala', ma' ñi'maxare 'xaỹa dá'maq 'xachitac se no'uen quiñi'maxare. Ma' ¿negue' queto' qomi' quiyim qarenaxaitac?

Isaías 35:2

ca 'ue ana lenoỹaxai 'nejem ana peue lirio, no'xagui ma'le queda toonaxac chaqai da naỹaac. Ñi qota'olec chalego loyac nqai'en 'nejem ma'le yi 'laua Líbano, chalego lo'ualaxa ma'le 'nejem yi quemarelec Carmelo chaqai yi ca'megue Sarón. Ná'ogue iuana ma'le da lauaq ñi qara'gaxala', da lecaic quiyim nashi ñi qota'olec coqomi'.

Isaías 40:5

Ca ma'le, ca' ñi qota'olec ỹachaxan da lauaq, ca ma'le, ca ná'ogue na qomyipi ỹauana. Ma' chaqaiñi ñi'maxare 'naac dajo.

Isaías 60:1

Ne'laxachirishiguim, Jerusalén, lepatetagui qami' da nqashilegaxa, ma' novi' ana rcoỹeraxanaxagui'i' chaqai da lauaq ñi qara'gaxala' re'oq hueetalec aqami'.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 2:8

Ca' quiyi sqoỹoqaque quiyi Belén 'uo' so qomyipi reloqota'a ana lalo qagreta, hueetauec quiyi no'ueenaxa queso pe.

Lucas 24:4

Ca' ỹaatqajam 'uo' da lqolonqa' saua'maxare, chaqai se ỹa'deene' ca 'neete', ca idaanda'alo saua dos ỹale' nachaatesañi, huaqata'to saua'maxare, qashilgue' saua loho.

Juan 12:41

So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.

Hechos 12:7

Ca chi re'laqataxanto ỹoviro so chicqashiguim qota'a lelaatec. Ca' ñi ncoñiitaxanaxaqui richiitougui nqai'en. Ca' so nelaatec ipootau'a na lahi so Pedro, ca neloxotec, ca 'naapego': —Chaqa'ma' ne'laxachirishiguim. Ca' saua caréna nalaqachiriñi sauá'maq neetaguilo naua lqai'laqate' so Pedro.

Hechos 27:23

Ma' squepe nachaxana ỹim so chicqashiguim qanela' quiñí'maq sento'ot qota'olec, chaqai so'ueetetac da lelaataxanaxac.

Hechos 5:19

Qam queca pe so chicqashiguim qota'a lelaatec ỹauachiguilo naua lasomi' aca ncoñiitaxanaxaqui, ca naqata'alo saua'maxare. Ca 'naapegalo:

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 12:21

Ỹaatqajam chalego lichic só'maq qara'iita'a, vire'ta so Moisés 'naaco': “Ỹaatqajam yi'loxoltari' quena ỹoqolonaxa.”

Apocalipsis 18:1

Ca na' ime dajo, ca seuane'ta so liỹa nelaatec chicqotashiguim queda piguim, chalego lquesaxanaxa da lelaataxanaxac. Ca' na 'laua re'qojlec nqai'en queso lauaq.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.