Lucas 2:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.

Lucas 2:51 Iomraidhean Croise

Génesis 37:11

Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Daniel 7:28

Ca' chaqaiyi lqodoc da ỹa'qaataxanaxac. Ca' ỹim Daniel ỹaatqajam 'xoic da ỹachitachic na'le chaqai mashic ñalacqatec; qam qaica ca sa'xatem quecá'maq 'neeta dajo. (8.1—12.13 So Daniel 'ue da leuanaxanaxac, ca so nelaatec piguim le'ec ichoxot da leloxoỹaxac.)

Mateo 12:46

Co'na' so Jesús ñaq retaqatapougui so qomyipi co'na' novirero aso late'e chaqai saua lqaỹa'. Pa'aasauec, ỹahosaque retaxaira'pegue' so'maxare.

Mateo 3:15

Qam so Jesús 'naaco' queso'maxare: —Qam nagui le'en nqai'ñi' dajo. Ma' paguec la'maxa quiyim sepacqajanqachigui ná'ogue ná'maq ỹahotaque ñi qota'a. Co'na'le, ca' so Juan nachilaxan.

Marcos 1:9

Ca' quesaua na'xata', ca' novi' so Jesús, chicqotau'a yi na'a' leenaxat Nazaret, yi'maxare huaugui yi 'laua Galilea. Ca' so Juan nachilaxan caso lachiugue Jordán.

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Lucas 18:37

Ca' qara'qaataxanem so'maxare quiyim so Jesús, le'ec yi Nazaret, só'maq queetalec yí'maq hueeta'ñi so'maxare.

Lucas 2:19

Qam aso María ỹa'maxat cañi le'taxanata dá'ogue dajo, chaqai ỹaatqajam naloqochintac da'maxare.

Lucas 2:39

Ca co'na' mashic ime qaỹo'uet ná'ogue na naneretañi lelaataxanaxaquipi ñi qara'gaxala', ca saua'maxare, ca piltegue da Galilea, querepegue' yi ỹaatqajam la'aate' quiyi na'a' Nazaret.

Lucas 4:16

Ca' so Jesús quepegue' yi Nazaret yí'maq na'a' chaqai ỹa'ñi. Ca co'na' ỹovire'oga so na'xa'a co'mataxaqui. Ca inoxonougui aso lapoxoqui na judioipi, ma' chi no'ueenataxac so'maxare. Ime, ca nachajñi, ca retaqalec yi la'qaatec ñi qota'a.

Lucas 4:23

Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Efesios 5:21

Ca' quiñi 'óna ỹaatqajam notauanta'guit ca liỹa, ma' ỹaatqajam 'ue nqai 'negue nqai'en ñi qota'a.

1 Pedro 2:21

Ma' chaqaida dá'maq 'em roỹaxanalo qamiri ñi qota'a, ma' so Cristo 'ue da le'xoric sauaxate' qamiri quiyim ỹachaxan da leloxoỹaxac, qaiyi quiijlec da llicyaxac so'maxare.