Lucas 2:49 - La'qaatqa ñi qota'olec Qota'olec & Qota'olec Novita Na Qomyipi

⁴⁹ Ca' so Jesús 'naaco': —¿Chi'neco' ma' michitaque aỹim? ¿Sqa 'yiiñiỹo' quiyim aỹim squelolta'pegue' na lo'ueenataxanaxaquipi ñi ita'a?

Lucas 2:49 Iomraidhean Croise

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Mateo 21:12

Co'na' ime, ca' so Jesús inoxono quiñi no'ueenaxanaxaqui lodegaxat na'ñi yi Jerusalén. Ca' ỹo'daauec sá'ogue so nemeenaxanyipi chaqai so rishiujnaxantapega ná'maq qaimeentac. Chaqai ỹamaxañi na nemeenaxanaxalateripi ná'maq ỹosootapigui ana lam na qomyipi, chaqai ana nqa'xanaxaqui ná'maq imeentac na coviguiñic.

Lucas 2:48

Ca' saua leta'al co'na' idaanda'a so'maxare, ca ỹaatqajam i'laxai'. Ca aso late'e 'naapego' so'maxare, 'naaco': —Qami' ỹaalcolec, ¿chi'neco' 'ñitetegue coqomi' dajo? 'Ajñi' da qataa'i' chaqai aỹim ỹaatqajam 'ue da qareuogoxo quiyim semitqataque qami'.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 5:17

Qam so Jesús 'naaco' queso qomyipi: —Ñi ita'a ñaqai ro'ueenataxantac, ca' ỹim qai'neeta so'ueenataxan.

Juan 5:36

Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Juan 8:29

Ma' ñí'maq yila', ñi'maxare iỹaatac; ñí'maq ita'a se ỹauana yodaqajantec, ma' ỹim so'ueetetac dá'maq ỹa'maxarenta ñi'maxare.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.