Lucas 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' vichiguiño' so José chicqochi'ño' yi na'a' Nazaret huaugui yi 'laua Galilea. Ca nqo'na yi na'a' leenaxat Belén huaugui yi 'laua Judea yí'maq ne'xaỹoqsoqo'o' so nashi David, ma' so José chaqa chigoxougui na lauo' so David.

Lucas 2:4 Iomraidhean Croise

Génesis 35:19

Ca' chaqaido' da 'neeta co'na' ileu aso Raquel. Ca qaishinñi quena lahi so nayic quiyi Efrata. Ca' nagui yi'maxare leenaxat Belén.

Génesis 48:7

Ca na' sachicqota'gue da Padan-aram, ca sou ayi qachii'i' Raquel quiyi Canaán na' sepalqata'a yi Efrata. Ca seshinñi na'le queso nayic lahi taỹau'a yi Efrata yí'maq nagui leenaxat Belén.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 2:23

Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Lucas 2:3

Ca ná'ogue na qomyipi quepegue' na chicqochi'ñi, qaiyi qoỹiro.

Lucas 2:5

Ca quepegue' yi Belén quiyim qoỹiro, liỹaatac aso María asó'maq ỹahotaque quiyim loua, qam aso'maxare 'manaxai.

Lucas 4:16

Ca' so Jesús quepegue' yi Nazaret yí'maq na'a' chaqai ỹa'ñi. Ca co'na' ỹovire'oga so na'xa'a co'mataxaqui. Ca inoxonougui aso lapoxoqui na judioipi, ma' chi no'ueenataxac so'maxare. Ime, ca nachajñi, ca retaqalec yi la'qaatec ñi qota'a.

Juan 1:46

Ca' so Natanael 'naaco': —¿Peeta'a 'uo' ca ishit nenoxonec 'maxaraic quiyi Nazaret? Ca' so Felipe 'naaco': —Ỹala'e', ñaq 'ajnaxañita ñi'maxare.

Juan 7:42

Naua nerecse' la'qaatqa ñi qota'a ỹa'xate', quiyim cajo nashi nca'laxaqui, ca'maxare qohinac llaalec so nashi David, chaqai chicqochi'ñi yi Belén yí'maq la'a' na'le so David.

Rut 1:19

Ca' quiyi, ca niỹareta'pe saua'maxare, queesa'gue so nayic, chi ỹoviresau'a yi Belén. Ca co'na' ỹovirero quiyi Belén, ca' ỹaatqajam 'xoic da le'laxa so qomyipi na'ñi yi na'a'. 'Naaco' quen na 'aallipi: —¿Mesqano' anajo ana Noemí?

Rut 2:4

Ca nachinchiquio' novirec so Booz, chicqau'a yi Belén, ca iquino' so naqataxanyipi. —¡Ñi qara'gaxala' liỹareta'pe qamiri! Ca' so naqataxanyipi 'naaco': —¡Ñi qara'gaxala' ỹaanem qami' ca no'uen qayicyaxaqui'!

Rut 4:11

So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.

Rut 4:17

Ca co'na' qaiuana quena lauora 'aallipi, ca 'naaco' quen: —¡'Uo' da ne'qaañi llaalec añi Noemí! Ca' qoỹanegue leenaxat Obed. Ca' chaqaiso só'maq leta'a so Isaí chaqai lapi' so nashi David.

1 Samuel 16:1

Ca' ñi qara'gaxala' 'naaco' queso Samuel: —¿Chi laquio' tauec da rachicoxo'e' sauaxat so Saúl? Ma' ỹim tot sa'maxaren quiyim queeta nashi quena Israel. Mo'e', no'xataxachirigui quena aceite aca rocoraxanqachi'i' lasote, ma' sahotaque quirepegue' yi la'a' ñi Isaí quiyi Belén, ma' mashic 'ue ñi ica'acsec quiyim nashi quiyaua llaalqa ñi'maxare.

1 Samuel 16:4

Ca' so Samuel ỹo'uet dá'maq qohinapega quiñi qara'gaxala'. Ca co'na' ỹovita yi Belén, ca' so qo'xoiquipi quiyi na'a' nachaata'guit so'maxare, qam ỹaatqajam 'ue da lqolonaxa. Ca' qainatetaco': —¿Peeta'a qaica nqaida queda roviraxaqui'?

1 Samuel 17:12

Ca 'uo' so ỹale na'ñi yi Belén, leenaxat Isaí, co'na' ñaq nashi so Saúl. Ca so'maxare mashic qo'xoỹom, so'maxare 'vio' saua ocho llaalqa, ca' so 'óna quesaua'maxare chaqaiso' so David.

1 Samuel 17:58

Ca' so Saúl inato' so David, 'naaco': —Qami' ne'nec, ¿negue' ca qataa'i'? Ca' so David 'naaco': —Ita'a ca leenaxat Isaí, cá'maq relaachiqui', na'ñi yi Belén, qami' ỹa'gaxala'.

1 Samuel 20:6

Ca no'm ca qataa'i' renataxanaque aỹim, ca 'ñiraco' quiyim 'ue ca ỹashiilaxanaxac caqami' quiyim saigue da ỹa'a' Belén. Ma' cá'ogue ca iuo' laseripi ỹo'uet aca lachitaxanataxanqate, ca' ỹavigaxat quena' ỹovirec yi ñaaxa.