Lucas 2:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca aso Ana liỹa ỹalequetaho quesojo na'xa'a. Ca' co'na' ime dá, ca ỹaantacot da na'aachicyaxac ñi qota'a, ca ỹa'xatetac so noctoqui' Jesús, ra'qaataxantapeguem ná'ogue na qomyipi ná'maq ỹahotaque quiyim ca na'xa'a quiyim ỹaatqajam qaỹosouec yi Jerusalén.

Lucas 2:38 Iomraidhean Croise

Marcos 15:43

Ca' nanaco' so José na'ñi yi na'a' leenaxat Arimatea. So'maxare ỹaatqajam choxoraic, chaqai ỹalequetaugui na nashillipi na ỹo'ueetegueñi na leloxoỹaxaquipi, chaqai so'maxare nauaantaque quiyim novi' ca lo'ueenataxanaxac ñi qota'olec ma' ỹoiquentac ná'ogue najo. Ca' ỹaatqajam ỹa'ñaxachigui na lauel, ca' quepegue' so Pilato, ca rashiilaxanegue so Jesús.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Lucas 2:36

Chaqai hueeta'ño'yi aso 'aalo mashic la'qaataxanqajna ñi qota'a. Aso'maxare mashic ỹaatqajam qo'xoỹom, leenaxat Ana. Aso'maxare llaale so Fanuel, chicqaugui so llaalqaipi so Aser. Qam aso'maxare 'óno' na' llaq nequetegaxai, qam ỹovite' siete ñaxari quiyim reloqota'guit ca loua.

Lucas 23:51

Sojo José nauaantaque quiyim novi' ca lo'ueenataxanaxac ñi qota'a ma' ỹoiquentac ná'ogue najo. Ca' so'maxare se ỹa'maxaren dá'maq 'ne'tegue lo'ueenataxanaxac so liỹa nashillipi.

Lucas 24:21

Qam qomi' 'ue da qanaquitaxac quiyim chaqaiso só'maq nca'laxatec ma'le na llaalqaipi so Israel. Chaqai nagui quedá'ogue dajo, ca' mashic ỹovite' tres na'xata' quiyim 'ue dajo.

2 Corintios 9:15

Ca' ¡qomi' saanqot da qana'aachic ñi qota'a, ma' ñi'maxare 'xoic lecaic dá'maq qana'aachicyaxac qomi', ca' da'maxare se seshitaq sa'xataq cá'maq 'neeta da'maxare!

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.