Lucas 2:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Qam nagui aso'maxare mashic ỹovite' ochenta y cuatro ñaxari quiyim pa'ỹe. Chaqai ỹaatqajam sqai ca'e aso no'ueenaxanaxaqui, ỹo'ueentac ñi qara'gaxala' quenaua na'xatari chaqai naua piri, ỹo'ueetetac da nqouagaxainaxac chaqai nqopaaqachitetac.

Lucas 2:37 Iomraidhean Croise

Salmos 22:2

Qami' qota'olec, soỹaxantaque qami' quiyi na'xa'a chaqai yi pe, qam sqai saachichiguit aỹim; ¡chaqai mashic qaica ca ñco'matqa'!

Salmos 23:6

Da rqouagaxa'e' chaqai da re'xorenataxanaxa'e' sqo ỹoxe'ogalo caỹim quedá'ogue da ñachaalataxac, chaqai queca ra'aachi', qami' ỹa'gaxala', sqaica ca lqodoc quiyim senta'ñi.

Salmos 27:4

'Oonoqui' cá'maq sashiilaxantaque quiñi qara'gaxala', qaicaata yishiitaque: Quiyim seuetaugui añi no'ueenaxanaxaqui quiñi qara'gaxala' quenaua'que naua na'xata' quiyim yca'leetauec, qaiyi ñqouagaxaintacot seuetaugui añi no'ueenaxanaxaqui chaqai sa'ajantac da loyac.

Salmos 84:10

¡Paguec la'maxa quiyim 'oonoqui' ca na'xa'a seuetalec ca nasoxoqui', quecaua mil na'xata' spa'aatauec! 'Ue da ishoxo quiyim ỹim lasom lo'o quiñi lo'ueenaxanaxaqui ñi qota'olec, sqai 'nejem quiyim seueta'ñi ca hua'ñi na se no'uen.

Salmos 84:4

¡Chalego la'maxa quená'maq mashic neetaugui añi ro'ueenaxanaxagui'i', ca' se neme ro'ueenaxantalec qami'!

Lucas 5:33

Ca' so qomyipi inat so Jesús, 'naaco': —¿Chi'neco' ma' ỹapaguec da nqopaaqachitaxac chaqai da nqouagaxainaxac ná'maq coỹareta'pegue' so Juan chaqai na fariseoipi, qam naua rapaxaguinataxahi' ta'ta'a da lqui'ỹaxague' chaqai da ne'taxague'?

Hechos 13:3

Ca co'na' ime da nqouagaxainaxac chaqai da nqopaaqachitaxac so qomyipi, ca' qaỹashil-lgoto saua'maxare, ca qailate'.

Hechos 14:23

Chaqai qai'neeta qaỹa'ue na na'gaxalateripi cana no'ueenaxanaxaquiripi. Ca co'na' ime so qouagaxainaxac chaqai so nqopaaqachitaxac, ca' qoỹaanoto dá'maq qoyiuetaugui letelaxa ñi qara'gaxala', ñí'maq huerelec saua'maxare.

Hechos 26:7

Chaqai sá'ogue so sachigoxosqaugui 'auaxaic doce llaalqaipi so qareta'a Israel, qai'neeta naquitesa'a dajo quiyim ipaquichigui. Vichiguiño' imaqachin ñi qota'olec, chaqai ỹo'uet da la'qaatec, ỹocane' naua na'xatari chaqai na piri. Ca' chaqaida quedajo ñaquitaxac nagui sasouetapigui, qami' ỹashi Agripa, ca chaqaida dá'maq 'em qanoquiaatapiguiỹa' quena judioipi.

1 Timoteo 5:5

Ca aná'maq ỹaatqajam 'chichiguiñi pa'ỹe, quiyim ma' nodaachiguiñi, ca illo'ot ñi qota'a da naquitaxac, chaqai sqai ỹaxanñi da nqouagaxainaxac quenaua'que naua na'xata' chaqai naua piri.

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.

Apocalipsis 7:15

Vichiguiño' hueete'e na reloqota'ñi na nqa'xanqa' ñi qota'a, chaqai ro'ueenataxantacot ñi'maxare quenaua'que naua na'xata' chaqai naua'que naua piri quiñi lo'ueenaxanaxaqui. Chaqai ñí'maq nqa'xantañigui añi nashi nqa'xanaxaqui ro'ootaxanteguelec.

1 Samuel 2:2

¡Qaica ca co'teeta 'nejem qami' ỹa'gaxala'! ¡Qaica ca quepaqataxanlec ca qom, 'nejem qami', qami' qota'olec coqomi'! ¡Qaica ca liỹa, chi qaqamite'!