Lucas 2:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca so Simeón ỹaanem da no'uen la'qaatec so noctoqui'. Ime, ca 'naapega aso María só'maq late'e so Jesús, 'naaco': —'Ajñi', ná'taq noctoqui' tai'a ma'le quiyim 'xoic ca huaañi nqai'en chaqai ca nachaalataxanñi quena Israel llaalqaipi. Na'maxare chaqaina na netanec quiyim ỹaatqajam 'xoic ma'le ca sqai huelec,

Lucas 2:34 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Génesis 47:7

Ca' so José ỹauego qai'neeta so leta'a Jacob quiyim nauañiguit so Faraón. Ca' so Jacob niquine'e' so Faraón, ỹa'maxate'tegue da liquinaxanaxac.

Mateo 11:19

Ime, ca' novi' najo ỹale llaalec. Na'maxare que'e chaqai ne'et. Ca' qamiri 'ñiỹac quemaraxauaic chaqai ne'taaxai, nauochaxaua na sauaqhuaiquipi chaqai ná'maq ỹacona'piguit ana nishiuete ca nashi quiyi Roma. Qam dá'maq la'deenaxanaxa ñi qota'a re'oq dá'maq ñigui.

Mateo 12:46

Co'na' so Jesús ñaq retaqatapougui so qomyipi co'na' novirero aso late'e chaqai saua lqaỹa'. Pa'aasauec, ỹahosaque retaxaira'pegue' so'maxare.

Mateo 21:44

Chaqai quecá'maq qa' quecanchaqaica huaañi quiyim tajlec ca'maxare, ca lahiletajlec nqohin. Chaqai no'm so qa' 'ue ca tajlec, ca ramoxoỹañi nqai'en.

Mateo 27:63

Ca 'neraco' queso'maxare: —Qami' qarashi, so'leentaqa'te cajo ỹale 'maatqaic 'naiquen na' ñaq nca'leetauec, quiyim ma' ime'ueque caua tres na'xata', ca lotqai liỹa nca'leuec queca lelauaxa.

Lucas 2:35

ca' qaiyi qaỹa'den ca hueetagui añi le'taxanata quiñi 'óna qom. Qam qami' ma'le quedá'ogue dajo 'nejem ca lecat quiyim qaỹa'yigui añi re'taxanata'e'.

Juan 3:20

Ma' ná'ogue ná'maq ỹo'ueetetac na se no'uen ỹaatqajam loquiiaxat so ncoỹeraxanaxat, chaqai se nqo'neu'a so'maxare, qaiyi se re'xoi' naua se no'viiñi ỹo'ueeteta'pe.

Juan 5:18

Ca' quedajo, ca na judioipi paguec lama'xa ỹahotaque quiyim ỹalauat, ma' mesqaidaata quiyim se na'xaỹaxana da leloxoỹaxac yi na'xa'a co'mataxaqui, qam qai'neeta 'naac 'nejem ñi qota'olec ma' 'naac ỹaatqajam leta'a ñi'maxare.

Hechos 13:45

Qam co'na' so judioipi iuane'ta so 'xoic qomyipi, ca se ỹa'maxaren. Ca' quiyi, ca retaqata'guit da la'qaatec so Pablo chaqai qaishiuentac.

Hechos 17:6

Qam co'na' se qaỹanatalo, ca qaiconlec so Jasón, qaỹahogolenta. Chaqai 'vio' saua liỹa' quená'maq mashic ỹacoñiguit da na'qaatec, ca qaỹoviraqtera'a so nashillipi reloqota'a yi na'a'. Ca' qaỹaualaxalgoto, qohinaco': —Najo ná'maq ỹalliripi, ná'maq ỹasauaxatetecta' na qomyipi queda chicqota'gue, chaqai nagui novite' quenajo.

Hechos 24:5

Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Hechos 28:22

Vichiguiño' nagui sahoqotaque ña'xaỹaxanaxa cá'maq 'neeta ca ra'deenataxanaxaqui', ma' sa'deenaq chicqote'ogalo da npa'guenaxac ana dalaxai qoyiquetaugui.

Hechos 4:26

Na nashillipi quena 'laua na'deenta', chaqai ná'maq na'gaxalateripi lapoỹata', npa'guene'e' ñi qara'gaxala' qota'a, chaqai ca nela' quiyim nashi nca'laxaqui.

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

Romanos 9:32

¿Chi'negue? Sai'c, ma' se nquipita'pegue' quiyim qaicoñi'chiguit quiñi qota'a ỹachigoxochichigui da lpi'ỹaxac, ta'ta'a quiyim ỹachigoxochichigui ná'maq chi lo'ueenataxanaxaquipi. Vichiguiño' na'maxare repoxolaxanlec so Cristo, ma' 'nejem ca qa' nepoxolaxanaxala',

1 Corintios 1:23

Qam qomi' sa'xatqatac da na'qaatec na' so Cristo qaipateno. Na judioipi quena' 'xaỹa da na'qaataxanaxac, ca ỹaatqajam npocoxolec, chaqai quena mesqai judío laseripi quena' 'xaỹa, 'eco' 'nejem ca chaqai mogollishic nqai'en.

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

Hebreos 7:7

Ca' qaica quet cá'maq ỹoqolliguit dajo quiyim cá'maq ỹaan ca qouagaxa paguec lecaic quecá'maq nqouaguegue.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.

1 Samuel 2:20

Ca' so Elí ỹaanem da lqouagaxa so Elcana chaqai aso Ana, 'naacsa': —Ñi qara'gaxala' ỹaanem qami' ma'le ca liỹa llaalqaipi dajo 'aalo, laseue' nqai'en da llaalec ỹaanot ñi'maxare quiyim ro'ueenataxanot. Ca co'na' ime dajo, ca' saua'maxare pile' queca la'aate'.