Lucas 2:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' so Espíritu Santo ỹauec sojo ỹale quiyim tau'a nqai'en aso no'ueenaxanaxaqui late'ogue'. Ca' saua leta'al so noctoqui' Jesús co'na' qaỹodou'a añi no'ueenaxanaxaqui, qaiyi qaỹo'uet ná'maq qoỹeretañi nelaataxanaxaquipi,

Lucas 2:27 Iomraidhean Croise

Mateo 4:1

Ca co'na' ime, ca so Espíritu Santo ỹauega so Jesús yi 'laua qaica qom, qaiyi qai'guen queso na'ỹaapec.

Lucas 2:22

Ca co'na' mashic ỹovita so na'xa'a quiyim saua María chaqai so José quiyim ỹo'ueete' da nelaataxanaxac dá'maq chicqo'tot so Moisés quiyim nco'taxate', ca' qaỹodou'a yi na'a' lodegaxat Jerusalén so noctoqui' quiyim qoỹaanot ñi qara'gaxala'.

Lucas 2:28

ca so Simeón ỹacona so noctoqui', qa'aal'ot. Ime, ca' ỹo'ueentac ñi qota'a, 'naaco':

Lucas 2:41

Ca' saua leta'al so Jesús naua'que naua ñaxari taasa'pegue da Jerusalén quena' ỹovire'oga so laloqo' quena' qaỹo'leenta'a so na'xa'a co'na' qoyique'e yi Egipto.

Lucas 2:48

Ca' saua leta'al co'na' idaanda'a so'maxare, ca ỹaatqajam i'laxai'. Ca aso late'e 'naapego' so'maxare, 'naaco': —Qami' ỹaalcolec, ¿chi'neco' 'ñitetegue coqomi' dajo? 'Ajñi' da qataa'i' chaqai aỹim ỹaatqajam 'ue da qareuogoxo quiyim semitqataque qami'.

Lucas 2:51

Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.

Lucas 4:1

Ca so Jesús ỹaatqajam no'qaachigui queso Espíritu Santo co'na' chicqaqso'ma aso lachiugue Jordán, ca so Espíritu ỹauec, taỹa nqai'en so 'laua sqaica qom.

Hechos 10:19

Qam so Pedro ñaq ỹa'deentapega so lauanaxanaxac, ca' so Espíritu Santo 'naapego' so'maxare: —'Ajñii', tres daua ỹale' idaansaque qami'.

Hechos 11:12

Ca' ñi Espíritu Santo yila' quiyim iỹaata'pe, qaica ca huapigui iuel. Chaqai qai'neeta quetegue aỹim nauajo seis qarqaỹa'. Ca qomá'ogue senoxonaxaugui ñi lauo' ñi ỹale.

Hechos 16:7

chi ỹoviresa'a ca lqodoc yi 'laua Misia. Ca' quiyi, ca ỹahosaque tarou'a yi 'laua Bitinia. Qam so Espíritu chicqo'ot so Jesús se ỹasene' tarou'a yi'maxare.

Hechos 8:29

Ca' so Espíritu Santo 'naapego' so Felipe: —Nqo'ñiro, huaqaitero caso nahoglena.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.

Apocalipsis 1:10

Chaqai hueetougui so na'xa'a quiyim qaimaqachin so qara'gaxala', ca na' ỹovita aỹim so lquesaxanaxa so Espíritu Santo. Ca' 'ue so sa'xaỹaque nivillaxac ỹaatqajam lam, 'maqa'tegue da ilaq, da lelamaxa 'ec aca npe'te.

Apocalipsis 17:3

Ca na' ñaq sa'ajantac só'maq iuanaxanegue nqai'en aỹim so Espíritu Santo, ca' so nelaatec piguim le'ec yauega yi 'laua sqaica qom. Ca' quiyi, ca' seuana aso 'aalo neetalec so isecỹac lodegaxat, toc, naneretalec ná'ogue na loshicmaxa na nenqateripi se nqo'ta ñi qota'a. So'maxare siete saua lqahigo', chaqai diez aso lasote.