Lucas 2:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Lucas 2:25 Iomraidhean Croise

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:8

Co'na'le, ca ñi qara'gaxala' 'naaco': —¿Mashic huañita ñi ilaatec Job? Qaica ca 'nejem ñi'maxare quena 'laua. Ñi'maxare ỹaatqajam quejlec aỹim, chaqai ỹaatqajam ỹaqamqata, chaqai ne'maxateta, qaica ma' ỹo'uet quet ca se no'uen.

Isaías 25:9

Ca' quecajo na'xa'a, ca' qohinac: Ñijo ñí'maq qota'olec coqomi', ñi'maxare spi'ỹaaqa'a, ca ñi'maxare qarca'laxatec. Saỹaaquioqotalec, ñitoonqata'gue, ma' ñi'maxare mashic qarca'laxatec. (26.1—28.6 Qaỹo'ueenta'uegue da nauegaxanaxac. Da lca'laxa ma'le yi Israel. Qaraqata yi Samaria.)

Isaías 40:1

'Naac ñi qota'olec caqamiri: Lo'daxachigui lauel na ỹalamaxareteripi, lo'daxachigui lauel;

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Marcos 15:43

Ca' nanaco' so José na'ñi yi na'a' leenaxat Arimatea. So'maxare ỹaatqajam choxoraic, chaqai ỹalequetaugui na nashillipi na ỹo'ueetegueñi na leloxoỹaxaquipi, chaqai so'maxare nauaantaque quiyim novi' ca lo'ueenataxanaxac ñi qota'olec ma' ỹoiquentac ná'ogue najo. Ca' ỹaatqajam ỹa'ñaxachigui na lauel, ca' quepegue' so Pilato, ca rashiilaxanegue so Jesús.

Lucas 1:41

Ca' aso Elisabet co'na' 'xaỹaque da niquinaxanaxac, ca' so noctoqui' mashic hueetagui na lauel redaalec, ca' aso'maxare ỹaatqajam no'qaachigui queso Espíritu Santo.

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Lucas 1:67

Ca so leta'a Zacarías ỹaatqajam no'qaachigui queso Espíritu Santo. Ca ỹa'xat da la'qaatec ñi qota'a mashic qoỹaanem, 'neetasa':

Lucas 2:38

Ca aso Ana liỹa ỹalequetaho quesojo na'xa'a. Ca' co'na' ime dá, ca ỹaantacot da na'aachicyaxac ñi qota'a, ca ỹa'xatetac so noctoqui' Jesús, ra'qaataxantapeguem ná'ogue na qomyipi ná'maq ỹahotaque quiyim ca na'xa'a quiyim ỹaatqajam qaỹosouec yi Jerusalén.

Lucas 23:51

Sojo José nauaantaque quiyim novi' ca lo'ueenataxanaxac ñi qota'a ma' ỹoiquentac ná'ogue najo. Ca' so'maxare se ỹa'maxaren dá'maq 'ne'tegue lo'ueenataxanaxac so liỹa nashillipi.

Hechos 10:2

So ỹale chaqai sá'ogue so lauo' laseripi ỹaatqajam huelec ñi qota'olec, chaqai no'cha'a ñi'maxare. Chaqai 'xoico' quen ana ỹaan lam, lotaanaxanqate quena judioipi, chaqai se neme nqouagaxaintacot ñi qota'olec.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 2:5

Ca' quesauajo na'xata' 'uo' quiyi Jerusalén na judío laseripi chicqote'ogalo quenaua lahil yi 'laua. So qomyipi queetalec quen ñi qota'olec.

Hechos 24:16

Vichiguiño' yiuogoq quiyim qaica ca ñauataque ỹasauaxaset quiñi qota'olec chaqai quena qomyipi.

Deuteronomio 18:15

Ñi qara'gaxala' qota'olec ỹo'uet ma'le quiyim chicqotouguilo qamiri ca letaxaỹaxaqui 'nejem aỹim, ca' na'xaỹaxañiỹa ca'maxare ma'le.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.