Lucas 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' 'eda ma'le da retañiguii 'neetayi: huañijlec ma'le ca noctoqui' qalepateta'gue queca lepataxaqui', hueetañigui nqohin aca lqui'ỹaxaqui na iseripi neloipi.

Lucas 2:12 Iomraidhean Croise

2 Reyes 19:29

Ca co'na'le, ca' so Isaías 'naaco' queso Ezequías: Ca' dajo dá'maq netanec ma'le quecá'maq naata: najo ñaaxa chaqai na liỹa ñaaxa 'guiitac ma'le na trigo chaqai ñaxajshiguim, qam queca liỹa ñaaxa, ca' shichii danaxañii chaqai qataxañii, shichii ñiiñi ana 'uva chaqai 'guii ana la.

2 Reyes 20:8

Ca co'na'le, ca' so Ezequías inato' so Isaías, 'naaco': —¿Nega'ỹo' ca itanec quiyim sa'den quiyim ñi qara'gaxala' yomatec, chaqai quiyim quenauajo tres na'xata', ca' seshit quiyim shicpegue' añi no'ueenaxanaxaqui quiñi qara'gaxala'?

Salmos 22:6

Qam ỹim sqaỹim ỹale, ta'ta'a quiyim 'ec ỹim ñilo'; ¡chaqaỹim le'nec na qomyipi!

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Isaías 7:11

—Shiila'e' ñi qara'gaxala' qota'olec quiyim ỹo'uet ca se qaiuanapega, qaiyi ca' chi retanqui', no'm pa'aañi quena lauajñi na 'laua, loqo'm pa'aashiguim quena piguim.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Lucas 2:13

Ca quiyi lotqai nachaxan so liỹaripi nelaatqaipi piguim laseripi, ỹaatqajam 'xoic so'maxare ro'ueenaxantalec ñi qota'olec, 'naaco' quen:

Lucas 2:7

Ca hua'ño'yi co'na' ne'qaañi so 'auaxaic llaalec. Ca lepataxañigui so lepataxaqui, ime, ca' illaañigui aso lqui'ỹaxaqui na iseripi neloipi, ma' sqaica ca lomate' saua'maxare quecá'maq ỹaatqajam 'imec nelaqsoqo'.