Lucas 2:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam so nelaatec 'naaco': —Se ro'chii, ma' ỹim ñoda'alo qamiri da no'uen ra'xaỹaxaguii. Ma' da'maxare ỹo'uet ma'le ca netoonaxac ná'ogue na qomyipi.

Lucas 2:10 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Isaías 40:9

Qami' Sión, quirishi'megue ana roto aca qa' ladocai, ỹaatqajam na'ñaxat nqai'ñi' da qavillaxaqui', ca 'qaataxañita queda no'uen na'xaỹaxac. Qami' Jerusalén, totaxan ro'chi'i', ỹaatqajam nichintegue ca ra'qaachiqui', vite la'xaỹaxague' naua na'aate' quiyi 'laua Judá, 'ñirac: ¡'Ena hueete'e ñí'maq qota'olec caqamiri!

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Isaías 52:7

¡Chalego loyac ma' qaiuañi'chiguit queetalgoto naua quemaralgoto cá'maq nodo ca no'uen qara'xaỹaxac, cá'maq nodo ca no'daxa, ỹa'xateta'guit quiyim qanaqata'a na Sión, ca 'naac quena'maxare: “Ñi qota'olec caqami', ñi'maxare nashi!”

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 14:27

Qam so Jesús 'uo' da ỹa'xat, ca 'naaco' quesaua'maxare: —¡Na'ñaxachii, chaqaỹim, totaxan ro'chii!

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 28:5

Co'na'le, ca' so nelaatec piguim le'ec 'naaco' quesaua 'aalo: —Totaxan ro'chii, ma' ỹim sa'den quiyim daañitaque ca Jesús cá'maq qaipateno na'le.

Marcos 1:15

'Naaco' quen so Jesús: —Mashic ipalata'a yi laloqo' quiyim novi' da lo'ueenataxanaxac ñi qota'olec ma' ỹoiquentac ná'ogue najo. Ca' 'xañiñi naua qatoigohi, chaqai viilec da na'qaatec chicqaugui da nca'laxa.

Marcos 16:15

Ca 'naaco' quesaua'maxare: —Mohi, oquii, quiipegue' na qomyipi neetalec ná'ogue na 'laua, ca 'xachim da na'qaatec chicqaugui da nca'laxa.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:19

Ca' so nelaatec 'naaco': —Aỹim chaqaỹim Gabriel, ma' sento'ot ñi qota'olec. Ca' ñi'maxare nela' aỹim quiyim setaxaỹa'pegue' qami' quiyim sa'xatem qami' da no'uen ra'xaỹaxaqui'.

Lucas 1:30

Ca' sojo nelaatec 'naaco': —María, qami' se ro'chi'i', ma' ñi qota'olec ỹaatqajam ỹa'maxarenta qami'.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Lucas 8:1

Ca co'na' mashic shi'gom dajo, ca' so Jesús 'xoic na queetagui na'aateripi chaqai na qoỹoqote'ogalo na'aate', ra'qaataxantac, ỹa'xatetac quiyim ñi qota'olec ỹoiquentac ná'ogue najo. Nauequetecto saua doce lapaxaguinatqa.

Hechos 13:32

Vichiguiño' sahoqotaque qomi' nagui da no'uen ra'xaỹaxaguii quedá'maq shi'gue qaỹachaxantapeguem so 'auaxaic qareta'allipi quiñi qota'olec.

Romanos 10:15

¿Negue' quet cá'maq 'neeta quiyim ỹa'xat quet da na'qaatec, no'm se qaila'? Ma' dá'maq 'nerac naua naneresañi la'qaatqa ñi qota'a: “¡Ỹaatqajam lo'yaxanec da loviraxac ná'maq ỹodootegueri' da na'qaatec chicqaugui da na'maxa, chaqai cá'maq ỹa'xatetac da no'uen na'qaatec!”

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.