Lucas 19:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' so Jesús 'naaco': —Nagui quena na'xa'a, ca novira'o' da nca'laxa najo na'a', ma' dajo ỹale qai'neeta llaalec so Abraham.

Lucas 19:9 Iomraidhean Croise

Lucas 13:16

Qam cadajo 'aalo ma' llaale so Abraham, ca' so na'ỹaapec coñiretari' ada'maxare quedajo nalolaxa nagui mashic ỹovi' dieciocho ñaxari, ca' ¿se ỹa'maxaño' quiyim qaỹosouec quedajo ralolaxa queca na'xa'a co'mataxaqui?

Lucas 13:30

Ca' queca ma'le 'uo' quena nagui co'uaataxantaho, ca' 'ue ca 'auetaho; chaqai 'uo' ná'maq nagui 'auetaho, ca' co'uaataxantaho ma'le.

Lucas 16:24

Ca' ỹaualaq, 'naaco': “Qami' ita'a Abraham, yi'xoriñi'. Ñaq nelachi' na Lázaro, quiyim pi'guiloxolaxat na lo'lo ada lpalaaqate queca huaxaỹaq, ca' anac quiyim ipenachit ñi ỹo'legaxanaxat, mashic ỹapaguec na i'xoric quena seuetañigui norec.”

Lucas 16:30

Ca' so nesallaxanec 'naaco': “Ajá'a, qami' ita'a Abraham, qam no'm 'ue ca quiyim liỹa nca'leuec quena leuaxaiquipi, ca' quepegueto caua'maxare, ca ishit quiyim netogochigui na lauel, ca' ỹaxañiñi naua lanatqa.”

Lucas 2:30

Ma' aỹim ỹaatqajam sauanchigui nagui ná'maq qarca'laxaqui,

Lucas 3:8

Ỹaatqajam na'maxachito' ma'le, qaiyi re'oq quiyim ỹaatqajam lachii' naua no'ueenataxagohi, chaqai sqai hueetapiguilo qavilyi quiyim 'ñiỹac: “Qomi' chaqaiqomi' llaalqa so Abraham”. Vichiguiño' shinapegalo qamiri nagui quiyim ñi qota'olec ishit quiyim ỹachigoxotaugui najo qa' ca llaalqaipi so Abraham.

Romanos 4:16

Ca vichiguiño' quiyim dá'maq qaỹachaxanem so Abraham quiyim qai'taxajñi taỹaugui nqohin ná'ogue na llaalqaipi quiyim neme, qam chicqochigui nqohin da npi'ỹaxac. Ca da'maxare 'neetasa': quiyim dá'maq qaỹachaxantac mesqainaata ná'maq ỹo'ueetetac na naqataxaquipi, ma' qai'neeta ná'maq huelec ñi qota'a 'nejem so Abraham ma' huelec ñi'maxare. Ca so'maxare ỹovira'a quiyim qomá'ogue qareta'a

Gálatas 3:14

Ca 'uo' na'le dajo, qaiyi dá'maq lqouagaxa ñi qota'a ỹachaxantac na'le queso Abraham quiyim qoỹaanec quena mesqai judioipi, qam chicqochigui nqohin so Cristo Jesús; qaiyi qomá'ogue seconaxaguit so Espíritu Santo ỹachaxantac na'le ñi qota'a, chicqochigui nqai'en da qarpi'ỹaxac.

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Gálatas 3:7

Vichiguiño' 'maxaraic quiyim qamiri 'yiiñii quiyim ná'maq ỹaatqajam llaalqaipi so Abraham, chaqaina ná'maq 'ue na lpi'ỹaxac.

1 Pedro 2:10

Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.