Lucas 19:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so Jesús co'na' ỹovita so'maxare, ca ra'ỹaashi'megue. Ca 'naapego': —Zaqueo, chaqa'ma' renochirec, ma' ỹim sahotaque quiyim shicpegue' ca ra'aachi' quena na'xa'a.

Lucas 19:5 Iomraidhean Croise

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Ezequiel 16:6

Ca' ỹim shique'tegueyi na'le, ca na' seuane'ta qami' chaxasoxoñi'sac, vi'sañigui ca reuoripi'i', ca so'uet quiyim rca'llirec.

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Lucas 19:2

Ca' queso na'a' na'ñi so ỹale nesallaxanec, leenaxat Zaqueo. So'maxare la'gaxala' ná'maq ỹacona'piguit ana nishiuete so nashi na'ñi yi Roma.

Lucas 19:4

Ca' ni'guinshiguim 'aua'gue da taata'gue so'maxare, ma' ỹahotaque quiyim ỹauana. Ime, ca' quishi'megue aso qo'paq leenaxat sicómoro na'ñigui so nayic quiyí'maq sham que'tegue so Jesús.

Lucas 19:6

Ca' so Zaqueo ỹaatqajam chaqa'ma' renotec, ca' ỹa'maqachigui lauel, ca ỹauegueu'a ca la'a' so Jesús.

Juan 1:48

Ca' so Natanael inato': —¿Negue' ca 'neeto' quiyim ya'yiiñi'? Ca' so Jesús 'naaco': —Ỹim shi'gue seuana qami' na' saqa' roỹaxana qami' so Felipe, na' ñiiso'ot ada higo lashi.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

Apocalipsis 3:20

Ñaqai 'ajñi', ỹim nagui seuete'e na lasom, soỹaxantac. Ca no'm 'ue ca 'xaỹa da ỹoỹaxanaxac, ca ỹauate'oga aỹim queca nasom, ca' senoxonougui ca lauo'. Ca qomi' nqui'ỹaxaua'.