Lucas 19:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Ca co'na' qaipalata'a so ca'megue quesó'maq qoỹoqoshi'megue 'laua leenaxat loma' ana qo'paq olivo, ca' sá'ogue só'maq huelec so'maxare chaqai queeta'pegue', ca ỹaualqatagui queda netoonaxac. Chaqai qaro'ueenaxantalec ñi qota'olec quená'ogue ná'maq se qaiuanapega, qam qaiuanchigui quiyim ỹo'uet so'maxare.

Lucas 19:37 Iomraidhean Croise

Mateo 21:1

Ca co'na' ipalasaho quiyi Jerusalén, ca ỹovirera'a yi na'a' Betfagé seeque'ta yi quemaralec late'ogue' leenaxat nananqa' ana qo'paq olivos. Ca' so Jesús 'vio' saua dos ilate' quesaua lapaxaguinatqa.

Marcos 13:3

Co'na'le, ca' querepegue' aso quemaralec ladocai loma' ana nanecse leenaxat olivo, yi'maxare naloote'oga añi no'ueenaxanaxaqui. Ca' quiyi co'na' nqa'xantañi so Jesús, ca qanemoote'toto' quiyim qainat quesaua Pedro chaqai Jacobo chaqai so Juan chaqai so Andrés, 'neraco':

Marcos 14:26

Ca co'na' mashic ime so lo'ueenaxanaxague', ca' que', querepegue' aso quemaralec ladocai, loma' ana qo'paq leenaxat Olivos.

Lucas 18:43

Ca' quiyi, ca so qai'laq neuanñi, ca' co'uaategue so Jesús, imaqachintac ñi qota'a. Chaqai sá'ogue so qomyipi só'maq iuanchigui dajo qai'neeta imaqachintac ñi qota'a.

Lucas 19:20

Lotqai anaco' só'maq pa'aatec, ca 'naaco': “Qami' ỹa'gaxala', 'ana ana qadami'. Ana'maxare chi sa'maxat, sellaalec ca colligue',

Lucas 19:29

Qam co'na' mashic ipalatau'alo yaua na'aaterolqai' Betfagé chaqai yi Betania, sqoỹoqaque yi qoỹoqoshi'megue 'laua leenaxat loma' ana qo'paq olivo. Ca' hua'ñi, ca ilate' saua dos lapaxaguinatqa.

Lucas 19:36

Ca co'na' queeta so Jesús, ca qaipiguiñi'ñigui so llic na napoxoquiripi.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Juan 12:18

Ca' na liỹa qomyipi eec qata'guit so Jesús, ma' mashic ỹa'den quiyim mashic 'ue so ỹo'uet quena netanec se qaiuanapega.