Lucas 19:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca co'na' ime ỹa'xat dajo so Jesús, ca' eec taỹa'gue da Jerusalén.

Lucas 19:28 Iomraidhean Croise

Lucas 10:30

Ca' so Jesús 'naaco': —'Uo' so ỹale chicqotashi'ma yi Jerusalén, queeta'gue so nayic tai'a yi Jericó. Ca' qai'laxateta qanouo' quesaua cuataxaqa. Ỹaatqajam qaicona sá'ogue so hueeto'ot, vire'talo saua loho qaiconalo, chaqai qaỹouaxantac, ca qoyique'e co'na' mashic 'ec ileu.

Lucas 12:50

Aỹim sai'a quiyim 'xoic ca i'xoric, 'nejem ca nocoraxanaxac, chaqai ¡chalego na ỹachicoxo quiyim chaqa'ma' sahotaque quiyim ỹovirelec!

Lucas 18:31

Ca' so Jesús roỹaxana so doce lapaxaguinatqaipi, ca ỹoỹoota'ogalo, ca' 'naapegalo': —Nagui qomi' saxague da Jerusalén, ca hua'ñiyi ma'le quiyim ipaquichigui ná'ogue na na'qaatec quenajo ỹale llaalec dá'maq ỹiriñi só'maq la'qaataxanqajanqaipi ñi qota'a.

Lucas 9:51

Ca co'na' tot qoỹoqaque quiyim so Jesús taigue da piguim, ca ỹa'ñaxachigui na lauel quiyim taigue da Jerusalén.

Juan 18:11

Qam so Jesús 'naaco' queso Pedro: —Liỹa pilaxachirigui shichirigui aca lahi' na lecachi'. Ma' no'm ñi qota'a ỹovirau'a nqai'en da ñi'guenaxac, 'ec nqai'en aca naqana chim, ca' ¿se ipaguigui quet nqaishin da'maxare?

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

1 Pedro 4:1

Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,