Lucas 18:9 - La'qaatqa ñi qota'olec Qota'olec & Qota'olec Novita Na Qomyipi

⁹ Sauaxat ná'maq 'neetapega quiyim 'maxaraic qomyipi, ca se ỹacoñiguit na liỹaripi, ca' so Jesús ỹa'uo' so liỹa raloqojnaxana, 'naaco':

Lucas 18:9 Iomraidhean Croise

Lucas 10:29

Qam so napaxaguinataxanaq ỹahotaque quiyim iuejlec da lenataxanaxac, ca 'naapego' so Jesús: —¿Negue' cá'maq iỹa shinta malam?

Lucas 15:2

Ca' quedajo, so fariseoipi chaqai ná'maq rapaxaguinataxanta'pegue na naqataxaquipi, queeteguelec se no'uen na ỹa'xatetac queso'maxare, 'naaco': —Dajo ỹale ỹacoñi'chiguit na sauaqhuaiquipi, chaqai lqui'ỹaxauaripi na'maxare.

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Lucas 18:11

Ca' so fariseo nachaatetañi, 'ne'teco' quen yí da nqouagaxainaxac: “Qami' qota'olec, qami' saanot da ña'aachic, ma' sqai shinta na liỹaripi, ma' cuataxairipi, hualoxonyipi, chaqai lapaatapi'ñi' aca se loua. Chaqai sqai shinta nataxare' ỹacona'piguit ana nishiuete so nashi quiyi Roma.

Lucas 19:7

Ca co'na' qaỹauanchigui dajo, ca chaqa'ma' 'ue na qaỹa'xat, qohinaco': “So Jesús quepegue' yi la'a' so sauaqhuaic.”

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Juan 9:28

Ca co'na'le, ca chi qai'naari' so'maxare, qohinaco': —Qami' qui'sa'pegue' sojo ỹale, qam qomi' qolqata'pegue' so Moisés.

Juan 9:34

Ca qohinaco' queso'maxare: —Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'? Ca' quiyi, ca qaỹo'daauec so'maxare caso lapoxoqui na judioipi.

Hechos 22:21

Qam só'maq qara'gaxala' 'naapega aỹim: “Mo'e' ma'le, qui', ma' ỹaatqajam selachitegue qami' da qoỹoqo'tegue, 'irougui na mesqai judioipi.”

Romanos 10:3

Ma' se ỹa'den cá'maq 'neeta cá'maq 'neeta'gue ñi qota'a quiyim icoñi'chiguit ca qom. Qaidaata quiyim idaantaque ca chi la'maqa' quiyim qaicoñi'chiguit quiñi'maxare, qam se nañaanot dá'maq leloxoỹaxac ỹa'yiñi ñi'maxare.

Romanos 14:10

Qam qami', ¿chi'negue ma' qui'seguelec ca rpi'ỹaxaua'e'? loqo'm ¿chi'negue ma' sqai coñichiguit? Ma' qomá'ogue ñachaataxau'a ma'le so Cristo quiyim imite' qomi'.

Romanos 14:3

Ma' cá'maq ishit ỹa'ic ná'ogue na na'ic 'neeto' lotqai se icoñiguit cá'maq se ỹa'ca'era, chaqai cá'maq se ỹa'ca'era mesqai queeteguelec cá'maq sqa ỹaataq ca ỹa'ic, ma' ñi qota'olec ỹacoñiguit ca'maxare.

Romanos 7:9

'Vio' saua na'xata' quiyim yca'leetauec, ma' qaicaua naua naqataxaco. Qam na' novi' da naqataxac, ca só'maq se no'uen liỹa nca'leuec, ca' ỹim 'ec yileu.