Lucas 18:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'.

Lucas 18:7 Iomraidhean Croise

Salmos 88:1

Qami' ỹa'gaxala' qota'olec chaqai ica'laxaqui, quiyi na'xa'a chaqai yi pe sashiila'isac quiyim yotauañi',

Éxodo 22:23

ma' no'm sqa 'maxachiỹa'gue, ca' nqouagaxainot aỹim yashiila quiyim sotauan, ca' ỹim sotauan.

Isaías 40:27

Qamiri lalamaxarete' so Jacob só'maq na'aamatec da Israel, ¿chi'negue ma' 'ue da 'xachi'sac? ¿Chi'negue ma' 'ñirac: “Ñi qara'gaxala' se iuana da shintari'; ñi qota'olec tot qaica ca ỹauaaque aỹim?”

Mateo 24:22

Ca' ñi qota'olec quetqai se nqo'naxajta' cauajo na'xata', ca' qaica quet cá'maq ishit nca'leuec. Qam nqo'naxajta' ma'le, ma' i'xoren ná'maq lca'acseripi.

Mateo 24:24

Ma' 'xoic ca 'maatqaiquipi novi' ma'le, ca 'naac quiyim chaqaica cá'maq nashi nca'laxaqui, loqo'm 'naac quiyim letaxaỹaxanqajnec ñi qota'a. Ca ma'le, ca ỹo'uet ca chalego lecaic netanec chaqai na se qaiuanapega, ma' ỹahotaque quiyim sha'apiguito' ỹayin ná'maq lca'acseripi ñi qota'olec.

Mateo 7:11

Ma' quiyim qamiri hualoxona', qam 'yiiñii 'ỹaañim cá'maq no'uen ca qachaalguii, ¡huose'quet ñi qota'a ñí'maq viilec neeta'gue da piguim, ñi'maxare ỹaanec cá'maq no'uen quecá'maq qarashiilaxanaque!

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 2:37

Qam nagui aso'maxare mashic ỹovite' ochenta y cuatro ñaxari quiyim pa'ỹe. Chaqai ỹaatqajam sqai ca'e aso no'ueenaxanaxaqui, ỹo'ueentac ñi qara'gaxala' quenaua na'xatari chaqai naua piri, ỹo'ueetetac da nqouagaxainaxac chaqai nqopaaqachitetac.

Lucas 21:28

Ma' ỹovita quiyim re'xoi' naua'que nauajo, ca' ỹaatqajam na'ñaxachii chaqai nanorishiguim naua rqahigori, ma' sqaỹaloq quiyim qarosohiuec qamiri.

Romanos 8:33

Ca ¿nega'ỹo' ca ishit quiyim ỹa'ue ca lasauaxaset ca lca'acsec ñi qota'olec? Ma' ñi'maxare ñí'maq ỹa'xat quiyim qaica ca lasauaxaset ca'maxare.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

1 Tesalonicenses 3:10

Ca' vichiguiño' naua'que naua na'xatari chaqai naua piri ñqouagaxainqatacot ñi qota'a quiyim ỹasene'tema qomi' quiyim ñauanaqto qamiri, qaiyi sotauanaxe' qamiri quiyim ỹaatqajam naloochiguiñi da rpi'ỹaxaguii.

2 Tesalonicenses 1:6

Ca' chaqaida dá'maq 'neeta quiyim ñi qota'a ỹo'uet ca le'xoric ná'maq ỹahotaque na re'xoriguii,

1 Timoteo 5:5

Ca aná'maq ỹaatqajam 'chichiguiñi pa'ỹe, quiyim ma' nodaachiguiñi, ca illo'ot ñi qota'a da naquitaxac, chaqai sqai ỹaxanñi da nqouagaxainaxac quenaua'que naua na'xata' chaqai naua piri.

2 Timoteo 1:3

Quiyi pe chaqai yi na'xa'a quena' ñqouagaxaintac, ca' so'leenta'oga qami'. Lotqai saantacot da ña'aachic ñi qota'a ñí'maq so'ueeteta'pe naua la'qaatqa, chaqai quiyim sa'deenta quiyim qaica ca ỹasauaxaset quiñi'maxare. Ca' chaqaida dá'maq 'neeta só'maq 'auaxaic ita'allipi.

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

Tito 1:1

Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

1 Pedro 1:1

Aỹim Pedro, aỹim lelaatec so Jesucristo, shiriñi anajo ilaata, selata ná'ogue ná'maq neuagaxatetac, ná'maq sqai neetalgoto nauá'maq lalamaxarete' la'aate', ta'ta'a quiyim neetalgoto yaua 'lauari Ponto, Galacia, Capadocia, Asia, chaqai yi Bitinia,

2 Pedro 3:9

Mesqaida quiyim ñi qara'gaxala' sqaua' ipacqajñigui cá'maq ỹachaxantac, ma' 'ue ná'maq 'naac dajo. Ta'ta'a quiyim 'ue da leualaxavic nauaantapegalo qomi', ma' se nqo'ta quiyim 'ue ca na'laañi. Ta'ta'a quiyim ná'ogue netogochigui na lauel.

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 6:10

Na'maxare ỹaatqajam nelamaxaren quena' 'naac: —Qami' qara'gaxala', ỹaatqajam qami' co'teeta chaqai quiyim pacqajñichirigui ná'maq chaxañi'sac, ¿tegue' chaqai laquio' ỹovita ca laloqo' nqai'ñi' quiyim michi' ca nasauaxaset, ca vite ca nouaxanaxaset ná'maq ỹo'uet na'le da qarelauaxa quená'maq hueetalec ana 'laua?

Apocalipsis 7:15

Vichiguiño' hueete'e na reloqota'ñi na nqa'xanqa' ñi qota'a, chaqai ro'ueenataxantacot ñi'maxare quenaua'que naua na'xata' chaqai naua'que naua piri quiñi lo'ueenaxanaxaqui. Chaqai ñí'maq nqa'xantañigui añi nashi nqa'xanaxaqui ro'ootaxanteguelec.