Lucas 18:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca' quiyi, ca so qai'laq neuanñi, ca' co'uaategue so Jesús, imaqachintac ñi qota'a. Chaqai sá'ogue so qomyipi só'maq iuanchigui dajo qai'neeta imaqachintac ñi qota'a.

Lucas 18:43 Iomraidhean Croise

Salmos 107:15

'Ỹaañiỹot da na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 107:8

'Ỹaañiỹot ca na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 146:8

ñi qara'gaxala' liỹa neuanñi nqai'en na qai'laq; ñi qara'gaxala' nanojshiguim ná'maq mashic huaañi; ñi qara'gaxala' i'xoren ca ỹale 'maxataxaraic;

Isaías 35:5

Ma'le, ca' na qai'laqaipi neuanñi chaqai na ra'ñaagui na lqahic 'qaa;

Isaías 43:21

ná'maq ỹo'ueenatec ỹalamaxareteripi, qaiyi yimaqachin.

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 21:14

Ca' quiñi no'ueenaxanaxaqui, ca qanqo'neu'o' so Jesús quesaua qai'la' chaqai quesaua qaica ca 'óna lichi. Ca' so'maxare sá'ogue imeuec nqai'en.

Mateo 9:8

Ca' so qomyipi co'na' iuanchigui dajo, ca 'ue da lqolonaxa. Ca' imaqachintac ñi qota'olec ma' ỹaaneco' da lquesaxanaxa quena qomyipi.

Lucas 13:17

Ca co'na' 'naac dajo so Jesús, ca' sá'ogue so npa'guenaxauaripi ỹaatqajam 'xoic da layiloxo. Qam sá'ogue so liỹa qomyipi ỹaatqajam 'ue da netoonaxac na' iuanchigui da lecaic da ỹo'uet so Jesús.

Lucas 19:37

Ca co'na' qaipalata'a so ca'megue quesó'maq qoỹoqoshi'megue 'laua leenaxat loma' ana qo'paq olivo, ca' sá'ogue só'maq huelec so'maxare chaqai queeta'pegue', ca ỹaualqatagui queda netoonaxac. Chaqai qaro'ueenaxantalec ñi qota'olec quená'ogue ná'maq se qaiuanapega, qam qaiuanchigui quiyim ỹo'uet so'maxare.

Lucas 4:39

Ca' so Jesús nqai'guiñi caso'maxare, ca nelaxa so ne'ne' lpa'ỹaaxa, ca' sojo lpa'ỹaaxa eec. Ca' chaqa'ma' ne'laxashiguim, ca' quelolta'pegueto.

Lucas 5:26

Ca' sá'ogue so qomyipi ỹaatqajam 'ue da le'laxa, chaqai qaimaqachintac ñi qota'a, chaqai ỹaatqajam 'ue da lqolonaxa. Ca' 'naaco': —Quena na'xa'a ỹaatqajam sqaica 'nejem da lecaic da seuanqachigui.

Lucas 9:43

Ca sá'ogue so qomyipi ỹaatqajam 'ue da le'laxa queda lquesaxanaxa ñi qota'a. Qam co'na' ñaqai sá'ogue i'laqatapega da lo'ueenataxanaxac so Jesús, ca so'maxare 'naapegalo saua lapaxaguinatqa, 'naaco':

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Hechos 4:21

Ca' so nashillipi ỹaatqajam ỹadeneguelgoto, qam qaỹosoorec. Se qaỹa'den cá'maq qohine'tegue quiyim qaỹouaxane', ma' sá'ogue so qomyipi imaqachintac ñi qota'a quedá'maq 'neeta so qaỹo'uet.

Gálatas 1:24

Ca' qaimaqachintaco' quen ñi qota'a quedá'maq shintari'.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.