Lucas 18:32 - La'qaatqa ñi qota'olec Qota'olec & Qota'olec Novita Na Qomyipi

³² Qam qoỹaanougui ma'le na chicqauec qomyipi, ca' qai'neetac chaqai qaishiuentac chaqai qanatoqot.

Lucas 18:32 Iomraidhean Croise

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Isaías 52:14

'Nejem dá'maq quiyim 'xoic ná'maq no'daxatetec na'le so'maxare, na' ra'i'tot quiyim ỹoqa'am na lashic mashic sham 'ec sqai qom,

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Miqueas 5:1

Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

Mateo 16:21

Quiyi co'na'le, ca' so Jesús ichoxotetac dá'maq 'neeta ma'le queso lapaxaguinatqaipi, quiyim so'maxare taigue ma'le da Jerusalén. Ca' so qo'xoiquipi, chaqai so la'gaxala' na letaxaỹaxanqajnec na qomyipi quiyim qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi chicqo'ot so Moisés, 'xoic ma'le nqohin da le'xoric. Chaqai 'naac quiyim qaỹalauat ma'le. Qam ma' ỹore'ueque caua tres na'xata', ca ma'le, ca' liỹa nca'leuec nqohin.

Mateo 20:19

chaqai qoỹaanougui ma'le ná'maq ỹoqa'a ca chicqa'gue, ca' qai'neetac ma'le chaqai qaỹouaxantac, ime, ca' qaipateno. Qam ma' ỹovirerec caua tres na'xata', ca' lotqai liỹa nca'leuec.

Mateo 22:6

chaqai saua liỹa', ca' iconlgoto saua lelaatqa so nashi, ca' ỹouaxanta'pe, chi ỹovireta'a quiyim ỹalauate'.

Mateo 26:67

Co'na'le, ca' qanatoxogui na lashic so'maxare, chaqai qaỹouaxan. Chaqai saua liỹa', ca ỹouaxanyigui na lashic so'maxare.

Mateo 27:2

Ca qaicoñireta'ta' naua lqai'laqate', ca qaỹauega'a so nashi Roma le'ec Poncio Pilato.

Marcos 14:65

Ca chaqa'ma' 'vio' saua natoxora'a, chaqai qaỹapogui na lashic, chaqai qaỹouaxantac. Ca qohinaco' quen: —¡'Xachi' nagui negue' cá'maq ỹouaxan qami'! Chaqai saua nouaataxanaq lase' ỹouaxanyigui na lashic.

Marcos 15:1

Ca co'na' mashic richiguiñi, ca' so la'gaxalateripi so netaxaỹaxanqajanqaipi chaqai so qo'xoiquipi chaqai so rapaxaguinataxanta'pegue na naqataxaquipi chaqai sá'ogue só'maq nashillipi ỹo'ueetegueñi na leloxoỹaxaquipi nanchaqaina, sá'ogue lapoỹata', ca' qoỹaxateta so Jesús, ca' qaỹauegueu'a so Pilato.

Lucas 18:33

Chaqai qaỹouaxantac ma'le. Ca' ma' ime, ca qaỹalauat. Qam ma' ỹovirerec caua tres na'xata', ca' liỹa nca'leuec.

Lucas 23:1

Ca sá'ogue so'maxare ne'laxashiguim, ca' qaỹauegueu'a so Jesús so nashi Pilato.

Lucas 23:11

Ca' so nashi Herodes chaqai so nalliripi ỹaatqajam i'naari' so Jesús, ca' qaipeguenlec so nepo' ỹaatqajam qaica 'nejem loyac, 'nejem nqohin no'ueetaxac ca nashi. Ca co'na' ime, lotqai qaỹopilaxata so Pilato.

Lucas 23:35

Ca' sá'ogue so qomyipi ỹa'ajantac so'maxare, chaqai vire'ta so nashillipi i'neetac, 'naac: —Nca'laxatec quen na liỹa; ca' nagui 'maxaraic chi nca'laxatalta', no'm ỹaatqajam llic chaqaiñi ñí'maq nashi nca'laxaqui, lca'acsec ñi qota'olec.

Juan 18:22

Ca co'na' so Jesús 'naaco' dajo, ca' so nouaataxanaq le'ec ỹalequetaho ma' neloxoỹaq cañi no'ueenaxanaxaqui, ỹouaxañigui na lashic so Jesús. Ca 'naaco': —¿Dajo 'ñirac quiyim pilaxachichiguit da la'qaatec ñi lashi na netaxaỹaxanqajanqaipi?

Juan 18:28

Ca' so Jesús qaỹachigoxochichi'ñi yi la'a' so Caifás, ca qaỹauegueu'a yi la'a' so nashi Pilato. Qam mashic richiitegueñi, ca' so judioipi se inoxona'a yi nasoxoc so nashi, ma' ỹouetete'e quiyim napio'xot da nachaalataxac. Ma' chi no'ueenataxac dajo, ma' no'me', ca se ishit que'e queso na'ic hueetougui so na'xa'a quena' qaỹo'leente so na'xa'a quena' qoyique'e yi Egipto.

Juan 18:30

Ca 'naaco' so qomyipi: —Quetqai mesqai sauaqhuaic, ca se ñauegaxau'a quet qami'.

Juan 18:32

Ca' queda, ca ipaquichigui dá'maq 'naaco' na'le so Jesús quedá'maq 'neeta ma'le quiyim ileu.

Juan 18:35

Ca' so Pilato 'naaco': —¿Qa' ỹim quet judío le'ec? Ná'maq chi qauochi' laseripi chaqai na lashi na netaxaỹaxanqajanqaipi, ca chaqaina ná'maq ỹaano qami' caỹim. ¿Nega'ỹo' cá'maq 'viichi' se ỹa'maxañi?

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 3:13

Mesqaida. Qam ñi qota'olec ñí'maq huerelec sauá'maq 'au sachigoxosqauguilo Abraham, Isaac chaqai so Jacob ỹaanem quiyim paguec lichoxoric nqai'en so llaalec Jesús, só'maq qamiri 'ỹaañiu'a na nashillipi. Chaqai na' so Pilato ỹahotaque ỹosouec, qamiri sqa 'maxariñii.