Lucas 18:23 - La'qaatqa ñi qota'olec Qota'olec & Qota'olec Novita Na Qomyipi

²³ Qam sojo ỹale co'na' 'xaỹa dajo, ca' ỹaatqajam rachicota, ma' so'maxare ỹaatqajam nesallaxanec.

Lucas 18:23 Iomraidhean Croise

Mateo 19:22

Qam co'na' so ne'nec 'xaỹa dajo, ca' eec rachicotam, ma' ỹaatqajam nesallaxanec so'maxare.

Marcos 10:22

Qam co'na' 'qaachigui dajo, ca' so ỹale 'uo' da lachitachic. Ca' eec rachicota, ma' ỹaatqajam nesallaxanec.

Lucas 12:15

Qai'neeta 'naaco': —'Ajnaxañii chaqai rovichiỹa'a ná'ogue na nqo'itaxanqachic, ma' da nachaalataxac ca qom se ishit quiyim chicqaugui ná'maq 'xoic lesallaxa hueeto'ot.

Lucas 18:22

Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Lucas 18:24

Ca' so Jesús co'na' iuana so'maxare quiyim ỹaatqajam rachicota, ca' 'naaco': —¡Ỹaatqajam 'xoic lqalaic quena nesallaxanqaipi quiyim inoxoneu'a da lo'ueenataxanaxac ñi qota'a ma' ỹoiquentac ná'ogue najo!

Lucas 19:8

Ca' so Zaqueo nachajñi, ca 'naaco' queso qara'gaxala', 'naac: —Qami' ỹa'gaxala', aỹim ma'le sasectaqchigui na lavinñi na isallaxa. Ime, ca' saanem na 'xoraiquipi. Chaqai no'm 'ue ca socacha ca louenec chi sayinta, ca sopilaqtem, qam cuatro nqaishine'.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Lucas 8:14

Ca' asó'maq nanecse tajlec yi 'laua 'xoic ana le, ca' 'nejem ca qom na'xaỹaxantapega da na'qaatec. Ime, ca' queetalec, qam shi'gom, ca qaỹapolec da na'qaatec sauaxat quiyim ỹapacqajnauec na hueetalec na 'laua, chaqai da nesallaxa, chaqai dá'maq lqo'itaxanqachic quená'ogue nanchaqaina se no'uen. Ca sqaica ca laỹaxac nqai'en da na'qaatec.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

1 Juan 2:15

'Neeto' rqo'chiỹa na 'laua chaqai ná'maq 'ueenataxaquipi se no'uen hueetalec na'maxare. No'm 'ue cá'maq nqo'ta na 'laua, ca' se nqo'ta ñí'maq qota'olec.