Lucas 18:22 - La'qaatqa ñi qota'olec Qota'olec & Qota'olec Novita Na Qomyipi

²² Ca co'na' 'qaachigui dajo so Jesús, ca 'naaco': —'Uo' da 'oonoqui' saqa'leca caqami': miiñi' ma'le ná'ogue na rovinqui'. Ime, ca' 'ỹaañirougui na 'xoraiquipi, qaiyi 'ue ca resallaxa'e' hueeta'gue da piguim. Ca' ma' ime, ca anaqui', co'uaachitegue aỹim.

Lucas 18:22 Iomraidhean Croise

Salmos 27:4

'Oonoqui' cá'maq sashiilaxantaque quiñi qara'gaxala', qaicaata yishiitaque: Quiyim seuetaugui añi no'ueenaxanaxaqui quiñi qara'gaxala' quenaua'que naua na'xata' quiyim yca'leetauec, qaiyi ñqouagaxaintacot seuetaugui añi no'ueenaxanaxaqui chaqai sa'ajantac da loyac.

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Lucas 10:42

Qalaxam 'oonoqui' dá'maq ỹapacauec quiyim qaỹouen. Añi María ỹaatqajam paguec loyac dá'maq nca'atau'a, ca da'maxare qaica ca ishit rouootaxana'gue.

Lucas 12:33

Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 16:9

Ca' vichiguiño' saqachiỹaxaua' qamiri quiyim 'ueenataxañiỹa dá'maq lesallaxa ná'maq qomyipi ỹo'ueeteta'pe naua se no'viiñi, qaiyi 'ue ca namigohi, qaiyi ma' ỹovita imeho da nesallaxa, ca' ishit quiyim 'ue ca ỹacoñiguita qamiri queca na'a' sqaica lqodoc queda piguim.

Lucas 18:21

Ca' so'maxare 'naaco': —Ajá'a, ná'ogue na'maxare ỹaatqajam ña'xaỹaxane'ta, shi'gue na' llaq aỹim noctoqui'.

Lucas 18:23

Qam sojo ỹale co'na' 'xaỹa dajo, ca' ỹaatqajam rachicota, ma' so'maxare ỹaatqajam nesallaxanec.

Lucas 9:23

Ime, ca' 'naapega sá'ogue so qomyipi: —No'm 'ue ca ỹahotaque quegue aỹim, ca 'maxaraic quiyim coua'e da chi no'ueenataxac, ca' quegue aỹim naua'que naua na'xata', 'eno'chi na'laañi da nachaalataxac.

Filipenses 3:13

Qamiri ỹaqaỹa', ỹim mesqai shinac quiyim mashic sovira'a dajo. Qam shi'ntegueyi, quiyim scoua'e ná'ogue ná'maq mashic sqoshaa'e, ca' ña'ñaxat, sha'apiguito' sovirau'a yí'maq hueeta'gue dá'maq seloxoỹa'gue,

2 Pedro 3:8

Qam qamiri ỹaqaỹa', 'neeto' lotqai couahitaque quiyim quiñi qara'gaxala' 'ec 'oonoqui' na'xa'a caua mil ñaxari, chaqai caua mil ñaxari 'ec 'oonoqui' na'xa'a.