Lucas 18:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Jesús 'naaco': —¿Chi'negue ma' 'ñirapiguiỹa' ỹim huagaxaraic? Ma' qaica ca liỹa ñí'maq huagaxaraic, qaiñiita ñi qota'olec.

Lucas 18:19 Iomraidhean Croise

Job 14:4

Qaica quet cá'maq ishit ñigui co'teeta nqai'en ca napio'o.

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 18:18

Ca' 'uo' so eec queso na'gaxalateripi. Ca' inat so Jesús, 'naaco': —Qami' huagaxaraic napaxaguinataxanaq, ¿negue' ca shine'tegue quiyim sovirau'a ca nca'laxa sqaica lqodoc?

Lucas 18:20

Qami' peeta'a 'yiiñi' na nelaataxanaxaquipi da 'neeta ma' 'naac: “Se rapa'ira'ñi' aca mese roua'e'; se ỹa'maxañi quiyim lauataxañi'; sqo cachi'; se na'majñirelec ca liỹa; na'xaỹaxañita ca qataa'i' chaqaca qachii'i'.”

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.