Lucas 18:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ma' ỹim shinapegalo qamiri quiyim ca ỹacoñiguit da lo'ueenataxanaxac ñi qota'a ma' ỹoiquentac ná'ogue najo quiyim sqai 'nejem ca noctoqui', ca ca'maxare se inoxono.

Lucas 18:17 Iomraidhean Croise

Mateo 18:3

Ca 'naaco': —Ỹaatqajam lliqueta da shinac caqamiri, no'm sqai pilliichigui nqai'ñii quiyim denaxachii ca noctoqui', ca sqai shichii noxoñiu'a da lo'ueenataxanaxac ñí'maq neeta'gue da piguim.

Mateo 19:14

Qam so Jesús 'naaco': —'Xañiỹac na ñaaqaipioqui' ñaqai nacpegue' aỹim. Se quepaqchita'piguit. Ma' ná'maq hueetagui dá'maq lo'ueenataxanaxac ñí'maq neeta'gue da piguim, neneequesenaxai, 'nejem ná'maq 'neetari' na ñaaqaipioqui'.

Marcos 10:15

Ỹaatqajam llic da shinac caqamiri, cá'maq sqai 'neetari' ca noctoqui' quiyim icoñiguit da lo'ueenataxanaxac ñi qota'olec ma' ỹoiquentac ná'ogue najo, ca' se inoxona'a.

Lucas 18:16

Qam so Jesús roỹaxane'ogalo saua nale', ca' 'naapegalo: —'Xañiỹac na ñaaqaipioqui' ñaqa nacpegue' aỹim, chaqai se quepaqchita'piguit; ma' ca hueetaugui da lo'ueenataxanaxac ñi qota'a quiyim ỹoiquentac ná'ogue najo, ca'maxare neneequesenaxai 'nejme' naua'maxare.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

1 Pedro 1:14

Ma' mashic qamiri ñaalqa 'xaỹaxanaxaraqa, 'xañiñi ná'maq 'viichitac quen quesom na' saqa' huañiỹa ñi qota'a.

1 Pedro 2:2

'Ñiitam ca noctoqui' chita'gue ne'qaañi, ỹaatqajam na'ñaxachii daañitaque caua no'i' se re'xoguilo qaica ca lalecte' quiyim iỹaxate' qamiri, ca' ma'le, ca 'ue ca rca'laxahi,