Lucas 18:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Qam so Jesús roỹaxane'ogalo saua nale', ca' 'naapegalo: —'Xañiỹac na ñaaqaipioqui' ñaqa nacpegue' aỹim, chaqai se quepaqchita'piguit; ma' ca hueetaugui da lo'ueenataxanaxac ñi qota'a quiyim ỹoiquentac ná'ogue najo, ca'maxare neneequesenaxai 'nejme' naua'maxare.

Lucas 18:16 Iomraidhean Croise

Génesis 21:4

Ca co'na' ime' saua ocho na'xata' quiyim ne'qaañi, ca' ỹo'uet so netanec na loshicmaxa, ipacqajanchigui dá'maq lelaataxanaxaco' na'le ñi qota'olec.

Mateo 19:14

Qam so Jesús 'naaco': —'Xañiỹac na ñaaqaipioqui' ñaqai nacpegue' aỹim. Se quepaqchita'piguit. Ma' ná'maq hueetagui dá'maq lo'ueenataxanaxac ñí'maq neeta'gue da piguim, neneequesenaxai, 'nejem ná'maq 'neetari' na ñaaqaipioqui'.

Lucas 18:15

Ca' qai'neeta qanauega'a na ñaaqaipioqui' so Jesús, qaiyi so'maxare ỹashil-lec. Qam so lapaxaguinatqaipi co'na' ỹauanchigui dajo, ca' qaretaxaỹa ná'maq nauecqataxanaripi.

Lucas 18:17

Ma' ỹim shinapegalo qamiri quiyim ca ỹacoñiguit da lo'ueenataxanaxac ñi qota'a ma' ỹoiquentac ná'ogue najo quiyim sqai 'nejem ca noctoqui', ca ca'maxare se inoxono.

Hechos 2:39

Ma' dajo qaỹachaxantac quiñi qota'olec ỹaatqajam taỹauguilo qamiri chaqai naua qachaalaxahi chaqai qai'neeta ná'ogue ná'maq qoỹoqo'ta, chaqai quená'ogue ná'maq ñi qara'gaxala' qota'olec roỹaxane'oga.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

1 Corintios 7:14

Ma' no'm cá'maq ỹale saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit aca loua mashic icoñiguit da na'qaatec. Chaqai aca 'aalo no'm saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit ca loua mashic icoñiguit da na'qaatec. Qam no'm mesqaida, ca caua qachaalaxahi 'nejme' quet ca llaalqa ca saqa' icoñiguit da na'qaatec. Qalaxam nagui chaqaida dá'maq quiyim qaỹa'maxarente' quiñi qota'a.

1 Pedro 2:2

'Ñiitam ca noctoqui' chita'gue ne'qaañi, ỹaatqajam na'ñaxachii daañitaque caua no'i' se re'xoguilo qaica ca lalecte' quiyim iỹaxate' qamiri, ca' ma'le, ca 'ue ca rca'laxahi,