Lucas 18:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Lucas 18:14 Iomraidhean Croise

Job 9:20

'Eno'm ỹaatqajam ña'maxateta, ca' qaica ca sasauaxat, qam ñi'maxare qaiyiita 'naac ỹim sauaqhuaic chaqai nocqaic.

Proverbios 25:7

paguec la'maxa quiyim qohinac caqami': Nochirishiguim quenajo, quiyim qarenotaxanaxanec qami' quiyim loqoisa'guita caua nashil leta'al. Cá'maq huañichirigui quenaua nqochichi'

Eclesiastés 9:7

Cha'regue, quirelec da rqui'ỹaxaqui' quena pan, chaqai ni'chi' quena lataxa, ma' ñi qota'olec nqo'ta da ro'ueenataxanaxaqui'.

Isaías 45:25

Ỹim chicqochigui ma'le quiyim ná'ogue na llaalqaipi so Israel rauegaxan ma'le, ca' nemaqajanlec aỹim ma'le. (46.1—48.22 Ñi qota'olec sqai 'nejem na lashiilqaipi yi Babilonia. Da 'neeta ma' noxonec yi Babilonia. Ñi qara'gaxala' 'naac quiyim ỹadalaxat ná'ogue. Ñi qara'gaxala' nca'laxatec so lalamaxareteripi.)

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Mateo 23:12

Ma' cá'maq ỹacona da napacqajnaxac caqamiri, ca' ta'anquira nqohin. Qam cá'maq neneequesen, ca' paguec lecaic nqohin.

Mateo 5:3

—Ỹaatqajam chalego la'maxa ma'le quecá'maq na'deenalta' quiyim ỹouen da lotaanaxanaxac ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Lucas 1:52

Chaqai ná'maq 'ñaaxaiquipi ỹaxañiñi nqai'en naua lo'ueenataxanaxaco, qam na 'xoraiquipi, ca lot navicshiguim.

Lucas 10:29

Qam so napaxaguinataxanaq ỹahotaque quiyim iuejlec da lenataxanaxac, ca 'naapego' so Jesús: —¿Negue' cá'maq iỹa shinta malam?

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Romanos 3:20

Ma' qaica quet cá'maq qaỹa'maxarenta quiñi qota'olec quiyim ỹo'ueetetac dá'maq 'naac na naqataxaquipi, ma' na naqataxaquipi, na'maxare chi ỹo'uet quiyim ỹa'deenaxanaxaneguelo qomi' quiyim qomi' sauaqhuaqa.

Romanos 4:5

Qam no'm 'ue ca qaica ca ỹo'uet, qam huelec ñi qota'olec quiyim icoñi'chiguit ca sauaqhuaic, ca' ñi qota'olec icoñi'chiguit ca'maxare, ma' 'ue da lpi'ỹaxac.

Romanos 5:1

Ca' chaqaida 'neeta quiyim ma' ỹa'maxarente' qomi' ñi qota'olec ma' 'ue da qarpi'ỹaxac. Ca huaqui'chiguita qomi' ñi'maxare, chicqochigui nqai'en so qara'gaxala' Jesucristo.

Romanos 8:33

Ca ¿nega'ỹo' ca ishit quiyim ỹa'ue ca lasauaxaset ca lca'acsec ñi qota'olec? Ma' ñi'maxare ñí'maq ỹa'xat quiyim qaica ca lasauaxaset ca'maxare.

Gálatas 2:16

Qam qaiyiita sa'deenaq quiyim qaica ca 'oonoqui' qaỹa'maxarenta quiñi qota'a ma' ỹo'ueetetac na naqataxaquipi chicqo'ot na'le so Moisés, ma' qaidaata quiyim qoyiuelec so Jesucristo. Ca vichiguiño' qomi' quiyim seuaqlec so Jesucristo, ca ỹa'maxarente' qomi' ñi qota'a chicqochigui da qarpi'ỹaxac, ca' sqai chicqaugui quiyim qomi' so'ueetqatac na naqataxaquipi. Ma' sqaica cá'maq ỹa'maxarenta ñi qota'a quiyim ỹo'ueetetac na naqataxaquipi.

Santiago 4:10

Ne'xorishiñi'tot ñi qara'gaxala', ca ñi'maxare nanochishiguim quiyim choxoraiqa nqai'ne' qamiri.

Santiago 4:6

Qam ñi qota'a quedá'maq chi lqouagaxa, ca' qarotauan. Ma' naua naneresañi na'qaatqa 'nerac: “Ñi qota'a reloxoiguit ca nemaqajnaxai, qam nqouaguegue ỹotauan ná'maq neneequesenaxai.”

1 Samuel 1:18

—Ỹaatqajam 'xoic ña'aachic —'naaco' aso'maxare. Ca co'na' ime, ca' aso Ana pilegue cá'maq chicqa'gue, ca' que'e, ca' tot qaica ma' liỹa quet rachicota.