Lucas 18:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Lucas 18:13 Iomraidhean Croise

2 Samuel 12:13

Ca' so David 'naaco' queso Natán: —Ỹim ỹaatqajam 'ue da ỹasauaxaset hueeto'ot ñi qara'gaxala'. Ca' so Natán 'naaco' queso'maxare: —Ñi qara'gaxala' se ỹo'uet ca nouaxanaxashichi' quedajo rasauaxashichi' chaqai se rillivi'.

Esdras 9:6

Ca' shinac: —Qami' ỹa'gaxala' qota'olec, qami' ỹa'gaxala' qota'olec, ỹaatqajam chalego da ỹayiloxo, chaqai tot sa'den ca shine'tegue quiyim ñqouagaxainot qami'. Ma' na se no'uen mashic ỹapacshiguim coqomi', chaqai na qarasauaxaset mashic ỹovitot na piguim.

Job 42:6

Ca vichiguiño' nagui, ca 'xoic da ñitogotaxa, ca ñqa'xantañigui na namoxoỹaxa chaqai na lo quena ỹayiloxo.

Salmos 130:7

nauaañira'a ñi qara'gaxala', qami' Israel, ma' ñi'maxare hueeto'ot da ne'xorenataxanaxa chaqai da neuagaxa.

Isaías 1:18

Ñi qara'gaxala' 'naac: Nahiquena, ñaq setaxaỹaxagui dajo. 'Eno'm ca rasauaxashichii 'ec ca ỹaatqajam togaxaraic, qam ỹim lalagaxaic nqaishin, 'ec nqaishin ana loñi nacañi; chaqai 'eno'm 'ec aca lepate nqo'leguese quena naue' letogaxa, qam ỹim lalagaxaic nqaishin, 'ec na qagreta laue.

Isaías 6:5

Ca' da ỹa'deenataxanaxac 'neetasa': ¡'Xoraicolec aỹim; nagui, ca' yileu! Ma' mashic seuana quenaua ñqote' ñi nashi, ñi qara'gaxala' sqaica lqalanec; ma' ỹim qom, ca' se no'viiñi naua ỹa'qaatqa, chaqai salequetaugui na qomyipi se no'viiñi naua la'qaatqa.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Mateo 10:3

Felipe, Bartolomé, Tomás chaqai so Mateo só'maq icona'piguit na'le ana nishiuete so nashi quiyi Roma; Jacobo, llaalec so Alfeo; Lebeo chaqai qai'neeta leenaxat Tadeo;

Mateo 6:5

Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Mateo 9:13

Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

Marcos 11:25

Chaqai ma' ñaq nqouagaxaiñitac, ca no'm 'ue ca 'ue ca ỹasauaxat caqamiri, ca' sqo quiỹapeguem. Ta'ta'a quiyim 'xoriñii, qaiyi ñi qota'a ñí'maq viilec neeto'ot na piguim sqai caapeguem ca rasauaxashichii.

Lucas 17:12

Ca co'na' ỹovita só'maq hua'ñi na na'aaterolqai', ca' qaỹanaqta'guit so'maxare queso diez qomyipi mashic rishiita na loshicmaxa, qam qoỹoqo'ta yi hueete'e queso'maxare.

Lucas 22:41

Ime, ca' so Jesús noỹootec quesaua'maxare, ca na' ỹoxe'gauc, ca' ỹa'chi'iñi naua le'cootal, ca' nqouagaxain.

Lucas 23:48

Ca' sá'ogue so qomyipi ỹauanchigui dajo, ca neuagaxatac, ca'e yi'maxare, nouaxante'e ana lotogue queda le'xoric nqai'en.

Lucas 5:8

Ca co'na' iuana dajo so Simón, ca' ỹa'dooto naua le'cootal so Jesús. Ca' 'naapega, 'naaco': —Noỹoochirec caỹim qami' ỹa'gaxala', ma' ỹim ỹaatqajam aỹim ỹale sauaqhuaic.

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Romanos 5:8

Qam ñi qota'olec ichoxot da le'xorenataxanaxa coqomi' quiyim so Cristo ileualgoto qomi', 'eno'm ñaqai qomi' sauaqhuaqa.

2 Corintios 7:11

Ca' qamiri 'ue da rachicoxohi, qam ỹa'maxarenta ñi qota'a. Qam ¡ñaqa 'ajñii nagui dá'maq chicqaugui! Ỹo'uet quiyim qamiri sqa saguiriñitac dajo, chaqai choxochita dá'maq 'neeto' na'le dajo, ma' ỹo'uet da ronogoxonaxaguii, chaqai 'ue da rqolonaxahi. Qam na' ime, ca' 'ue da rishoxohi quiyim liỹa huañiua', chaqai nipiichii quiyim 'viichii ca nouaxanaxaset cá'maq ỹo'uet cá'maq se no'uen. Ca' quedajo re'xoi' nqai'ne' qamiri quiyim sqaica ca rasauaxashichii.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Hebreos 8:12

Ca' sapalaxat ná'maq se no'uen ỹo'ueetetac na'maxare, chaqai tot so'leentapega ma'le na lasauaxaseteripi.