Lucas 18:12 - La'qaatqa ñi qota'olec Qota'olec & Qota'olec Novita Na Qomyipi

¹² Ỹim dos pilac quiyim ñqopaaqachilta' quiyaua siete na'xata', chaqai ỹim soỹoote'oga añi 'óna quiyaua diez quená'ogue caná'maq ỹauegue, ca' saanot qami'.”

Lucas 18:12 Iomraidhean Croise

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Malaquías 3:8

Ca' ỹim senataxan: ¿Ca qom ishito' quiyim ỹachiguiñi ñi qota'olec? ¡Ma' qamiri yachiitegueñi! Qam qaiyiita nataxañitac: ¿Negue' cá'maq 'neeto' quiyim sachoqotegueñi qami'? Qam ¡qamiri yachiitegueñi cañi qanasectaxatec quiyaua diez chaqai cañi rachitaxanataxanqachii!

Números 23:4

yí'maq hua'ño' na' qanachaxana quiñi qota'olec. Ca' so Balaam 'naaco': —Mashic sa'maxatesañi yaua siete ncopatoxonaxalate, ca' quiyaua'maxare mashic sellaalec quiyim savigaxat ca 'óna huaqui llaalec chaqai ca 'óna qagreta.

Mateo 5:20

Ma' ỹim shinac caqamiri no'm se napaguiỹalec ná'maq rapaxaguinataxanta'pegue na naqataxaquipi chaqai ná'maq neetau'a na fariseoipi quiyim 'viichii cá'maq ỹahotaque ñi qota'olec, ca' sqaica ma' shichii quet quiyim noxoñiu'a da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 6:1

Mesqai nachaxañita quena qom quiyim 'viichii cá'maq viilec, ca' ỹa'yiinchigui nqai'ñii na qom. No'm 'ñii'tegue dajo, ca' ñi qota'a ñí'maq viilec neeta'gue da piguim qaica ma' ỹo'uet quet ca nishivichii.

Mateo 6:16

Ca ma' ỹovita quiyim nqopaaqachichii, qam se re'oq nqai'ñii quiyim ỹaviguiñi na qashiigui, 'nejem dá'maq 'ne'tegue quen ná'maq chi nachaxanta qomyipi. Ma' na'maxare 'ne'tegue dajo, ma' ỹahotaque qaỹa'den quiyim nqopaaqachitetac. Ca' ỹim shinac caqamiri quiyim na'maxare shi'gue 'ue da nishiuetenaxac.

Mateo 6:5

Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Mateo 9:14

Ca' saua nale' so nachilaxanataxanaq leenaxat Juan noquiicra'a so Jesús, ca renataxane': —¿Chi'neco' qomi' chaqai na fariseoipi ỹaatqajam 'xoic quen ñqopaaqachitaq, qam naua rapaxaguinataxahi' se nqopaaqachite'?

Lucas 11:42

¡Ỹaatqajam 'xoraiqolqa qamiri fariseo! Ma' qamiri 'ỹaañiỹot ñi qota'olec aca 'oono'lli' laue cana diez quena nalequetenaxanaxat ỹo'uet quiyim lo'daxaraic na lahita na neuolec chaqai ná'ogue ana liỹa nalequetenaxanqate. Qam se na'xaỹaxañii queca nalamqataxaguii chaqai da re'xorenataxanaxahi quiñi qota'olec. Ca' chaqaida 'viichii quet, qam se couahi'e quiyim 'viichii da liỹaripi.

Lucas 17:10

Ca' da 'neeta ma'le caqamiri ma' ỹovita quiyim ime dá'ogue da qailarelgoto qamiri quiñi qota'olec, ca' 'ñiỹac: “Qomi' ma' qomi' nelaatqa, ỹaatqajam qaica ca shinaxague, ma' ná'maq so'ueetqatac chaqainaata ná'maq chi qailaroxolec.”

Romanos 3:27

¿Negue' cá'maq 'neeto' na'le dá'maq nemaqajnaxac na qom? Se qaỹalecqajno. Qam ¿chi'neco'? Ma' quiyim qaipacqajanchigui dá'maq 'naac na naqataxaquipi, ca chicqochigui da maqajnaxac. Qam queda npi'ỹaxac qaica ca lligo nqai'en.

1 Corintios 1:29

qaiyi qaica cá'maq nemaqajantac quiyim ỹovira'a ñi'maxare.

Gálatas 1:14

Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

Efesios 2:9

Mesqai chicqaugui cá'maq ỹa'maqachiguiñi ỹo'uet ca qom, qaiyi qaica quet cá'maq ishit quiyim nemaqajan.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

1 Samuel 15:13

Ca co'na'le, ca' so Samuel quepegue' so Saúl. Ca so Saúl 'naaco' queso'maxare: —Ñi qara'gaxala' no'ueenaxat ca qayicyaxaqui'. Somachigui dá'maq lelaataxanaxac caỹim ñi qara'gaxala'.