Lucas 18:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so fariseo nachaatetañi, 'ne'teco' quen yí da nqouagaxainaxac: “Qami' qota'olec, qami' saanot da ña'aachic, ma' sqai shinta na liỹaripi, ma' cuataxairipi, hualoxonyipi, chaqai lapaatapi'ñi' aca se loua. Chaqai sqai shinta nataxare' ỹacona'piguit ana nishiuete so nashi quiyi Roma.

Lucas 18:11 Iomraidhean Croise

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Isaías 58:2

Naua'que na'xata' idaantaque aỹim, ca ỹa'maqachigui lauel ma' ỹa'den da ñayicyaxac, 'ec ca qom ỹo'ueetetac ca ỹa'maqachiguiñi chaqai 'ec quiyim se napacalgoto naua ilaataxanaxaco; ỹahotaque quiyim saanem ca 'maxaraic ỹaqataxac chaqai 'ue da netoonaxac ma' sqoỹoqaque caỹim.

Miqueas 3:11

Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

Mateo 10:3

Felipe, Bartolomé, Tomás chaqai so Mateo só'maq icona'piguit na'le ana nishiuete so nashi quiyi Roma; Jacobo, llaalec so Alfeo; Lebeo chaqai qai'neeta leenaxat Tadeo;

Mateo 5:20

Ma' ỹim shinac caqamiri no'm se napaguiỹalec ná'maq rapaxaguinataxanta'pegue na naqataxaquipi chaqai ná'maq neetau'a na fariseoipi quiyim 'viichii cá'maq ỹahotaque ñi qota'olec, ca' sqaica ma' shichii quet quiyim noxoñiu'a da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 6:5

Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Marcos 11:25

Chaqai ma' ñaq nqouagaxaiñitac, ca no'm 'ue ca 'ue ca ỹasauaxat caqamiri, ca' sqo quiỹapeguem. Ta'ta'a quiyim 'xoriñii, qaiyi ñi qota'a ñí'maq viilec neeto'ot na piguim sqai caapeguem ca rasauaxashichii.

Lucas 20:47

Chaqai qai'neeta na'maxare nouora'que naua la'aate' na pa'ỹellipi, ca na'maxare chi nqañoqotaxac, ca ỹo'uet quiyim ladocaic nqai'en ca nqouagaxainaxac. Qam na'maxare paguec lecaic ma'le ca nouaxanaxaset.

Lucas 22:41

Ime, ca' so Jesús noỹootec quesaua'maxare, ca na' ỹoxe'gauc, ca' ỹa'chi'iñi naua le'cootal, ca' nqouagaxain.

Gálatas 3:10

Ná'maq illiitagui da lpi'ỹaxac ná'maq naqataxaquipi chicqo'ot so Moisés, na'maxare tai'a dá'maq chalego lecaic nouaxanaxaset. Ma' naua naneresañi la'qaatqa ñi qota'a 'nerecsa': “Ná'ogue ná'maq se ipacqajñigui ná'ogue ná'maq naneretalec aso lere naneraxalate na naqataxaquipi, ca na'maxare hueetalec na chalego lecaic nouaxanaxaset quiñi qota'a.”

Filipenses 3:6

Ỹaatqajam 'ue da ñapacqajnaxac, ca vire'ta quiyim socanaxantapigui ná'maq mashic huelec so Cristo. Chaqai quedá'maq na'maqataxac da chaalataxac sqaica ca ishit quiyim 'ue quet ca ỹa'xat, ma' qaica ca ñapacalec quena naqataxaquipi.

Apocalipsis 3:17

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.