Lucas 17:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' rovichiỹari'o'. No'm ca rqaỹa'e' ỹo'uet ca se ỹa'maxañi caqami', ca' taxahita ca'maxare. Ca no'm netogochigui na lauel, ỹadalaxat ca no'ueenataxac, ca' mesqo quirapeguem, 'xoriñi'.

Lucas 17:3 Iomraidhean Croise

Levítico 19:17

'Neeto' hueetagui nqai'ñi' añi re'taxanata'e' ca qavilli' queca rqaỹa'e'. Ta'ta'a quiyim 'ue canchaqaica, ca' taqaita ca rqaỹa'e'. 'Neeto' lliquirau'a ca lasauaxaset.

Mateo 18:21

Ca' so Pedro quepegue' so Jesús, ca' inat: —Qami' ỹa'gaxala', ¿ỹote' quet, ca' lqodoc quiyim ỹo'uet ca se ỹa'maxañi ca ỹaqaỹa, quiyim sqa shicapeguem sietolqai'?

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Efesios 5:15

Vichiguiño' ỹaatqajam ỹajñita ca 'neeta ca na'maqataxaguii. 'Neeto' lotqai 'ñiitari' ca qaica ca ỹa'den. Ta'ta'a quiyim 'ñiitari' ca 'deenaxanqachaqaic.

Hebreos 12:15

Richilliỹaño' quiyim 'neeto' 'ue ca se icoñiguit da lotaanaxanaxac ñi qota'a ỹachaxantac, qaiyi qaica ca 'nejem aca nanecse chim quiyim na'axat chaqai idoon nqai'en aca liỹa.

Santiago 5:19

Qamiri ỹaqaỹarolqa, no'm 'ue ca 'óna caqamiri ỹo'maauec quedá'maq lliqueta leloxoỹaxac, qam ca liỹa rapilo nqai'en,

2 Juan 1:8

Ca' rovichiỹari'o' quedá'maq 'ñiitari', 'neeto' na'laañi ná'maq ro'ueenachiguii. Ta'ta'a quiyim coñiguit cá'ogue ca lashivichaxac.