Lucas 17:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Qam 'au quiyim 'xoic ma'le ca le'xoric, chaqai se qaicoñiguit quena qomyipi hueetauguilo nauajo na'xata'.

Lucas 17:25 Iomraidhean Croise

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Mateo 16:21

Quiyi co'na'le, ca' so Jesús ichoxotetac dá'maq 'neeta ma'le queso lapaxaguinatqaipi, quiyim so'maxare taigue ma'le da Jerusalén. Ca' so qo'xoiquipi, chaqai so la'gaxala' na letaxaỹaxanqajnec na qomyipi quiyim qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi chicqo'ot so Moisés, 'xoic ma'le nqohin da le'xoric. Chaqai 'naac quiyim qaỹalauat ma'le. Qam ma' ỹore'ueque caua tres na'xata', ca ma'le, ca' liỹa nca'leuec nqohin.

Mateo 21:42

Ca' so Jesús 'naaco': —¿Se ỹauanapego' quen quiyim taxailgoto naua naneresañi la'qaatqa ñi qota'olec? 'Neracsa': So qa' qaỹañijin queso 'imec lo'ollipi, chaqaiso' só'maq nollaañi ca 'imec. Dajo ỹo'ueeto' na'le ñi qara'gaxala'. Ca' dajo 'ec chalego nqaishinaq na lemaqachic.

Marcos 10:33

Ca 'naaco' quesaua'maxare: —'Ajñii qamiri nagui saaqata'gue da Jerusalén, ca' yí, hua'ñi ma'le najo ỹale llaalec ma' qoỹaanou'a na la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a chaqai na napaxaguinataxanaripi quena naqataxaquipi. Ca na'maxare ma'le, ca ỹaanec da la'qaatec quiyim qaỹalauat chaqai qoỹaanougui na mesqai judioipi.

Marcos 12:10

¿Saqa' taxahilgoto' quen yaua naneresañi la'qaatqa ñi qota'olec? Ma' 'nerac: Só'maq qa' ỹañijin so 'imec lo'ollipi, chaqaiso só'maq nollaañi nqohin ca 'imec.

Marcos 8:31

Co'na'le, ca' ra'qaataxantapegalo so'maxare, ca 'naaco': —Najo ỹale llaalec 'xoic ma'le ca le'xoric, chaqai qaỹo'daauec ma'le quena nqo'xonqaipi, chaqai quena la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na napaxaguinataxanaq quena naqataxaquipi. Chaqai ra'qaataxanema quiyim qaỹalauat ma'le so'maxare, qam ma' ỹovirerec caua tres na'xata', ca lotqai liỹa nca'leuec.

Marcos 9:31

ma' so'maxare ra'qaataxantapegalo saua lapaxaguinatqa, 'naaco': —Najo ỹale llaalec ma'le qoỹaanougui na qomyipi, ca' qaỹalauat ma'le. Qam ma' ime' caua tres na'xata', ca lotqai liỹa nca'leuec ma'le.

Lucas 18:31

Ca' so Jesús roỹaxana so doce lapaxaguinatqaipi, ca ỹoỹoota'ogalo, ca' 'naapegalo': —Nagui qomi' saxague da Jerusalén, ca hua'ñiyi ma'le quiyim ipaquichigui ná'ogue na na'qaatec quenajo ỹale llaalec dá'maq ỹiriñi só'maq la'qaataxanqajanqaipi ñi qota'a.

Lucas 18:33

Chaqai qaỹouaxantac ma'le. Ca' ma' ime, ca qaỹalauat. Qam ma' ỹovirerec caua tres na'xata', ca' liỹa nca'leuec.

Lucas 24:46

Ca 'naapegalo': —'Eda 'neeta da qoỹeretañi quiyim ca nashi nca'laxaqui 'au quiyim qaỹalauat, qam ma' ỹovi' tres na'xata', ca lotqai liỹa nca'leuec nqohin.

Lucas 9:22

Chaqai 'naac: —Najo ỹale llaalec ỹaatqajam 'xoic ma'le ca le'xoric, chaqai se qaicoñiguit quena qo'xoiquipi, chaqai na lashillipi na letaxaỹaxanqajanqaipi na qomyipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qaỹalauat ma'le. Qam ma' ỹovirerec caua tres na'xata', ca' liỹa nca'leuec.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Juan 12:38

Ma' qaiyi ipaquichigui da la'qaataxanaxac so la'qaataxanqajnec ñi qota'a leenaxat Isaías co'na' ỹiriñi: Qami' ỹa'gaxala', ¿nega'ỹo' ca huelec da qara'qaataxanaxac? ¿Nega'ỹo' ca ỹachaxanem da lquesaxanaxa ñi qara'gaxala'?

1 Samuel 10:19

Qam nagui qamiri liỹoxoỹa'piguit ñi qota'olec ñí'maq naqata'alo qamiri quená'ogue nanchaqaina ỹo'ueetetac na re'xoriguii. Ca' qamiri liỹoxoỹa'piguit na' shiilaxañitaque ca rashii quiyim reloqota'alo qamiri. Ca' vichiguiño' nagui naguipegue' ñi qara'gaxala', riỹahitac cá'maq chaqai qachaalaxahipi chaqai ca chi qauori laseripi.

1 Samuel 8:7

Qam ñi qara'gaxala' 'naaco': —Na'xaỹaxañita quecá'maq roỹaxantaque na qomyipi, ma' ỹim ná'maq liỹoqa'piguit, mesqai qami', qaiyi se seloqota'a najo qomyipi.