Lucas 17:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ma' 'nejem quiyim qaiuana ca lauaq ca nqai'legaxa quena' nqai'lliguiñi quená'ogue na piguim, ca' chaqaida 'neeta ma'le ca loviraxac najo ỹale llaalec ma' ỹovirelec quiyim ca na'xa'a quiyim rapil.

Lucas 17:24 Iomraidhean Croise

Ezequiel 1:14

Ca' saua ise' chalego na liyigue' ỹopilaxatesac yi'maxare, chaqai 'ec na nqai'legaxa.

Mateo 24:27

Ma' 'ec ma'le ca nqai'legaxa re'qoota queda lqodoigue chaqai queda lauashiguim, ca chaqaida 'neeta ma'le ca loviraxac najo ỹale llaalec.

Mateo 24:30

Ca ma'le, ca' qaiuana quena piguim ca letanec najo ỹale llaalec. Ca ná'ogue na ỹoreta'oguit qomyipi noỹentagui, ma' qaidaana'guit najo ỹale llaalec naquetaugui na naueguelec, ỹaatqajam chalego lquesaxanaxa chaqai na lauaq.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Mateo 5:15

Chaqai mesqai qaicopata'a aca ncoỹeraxanaxaqui, ca' qoỹanaugui aca nade lahi'. Ta'ta'a quiyim qoỹanashiguim, ca' qaiyi coỹarelec cá'maq hueeta'ñi ca na'a'.

1 Corintios 1:8

So'maxare ỹaatqajam nolliichiriñi, ỹoviraqta'guita qamiri ca lqodoc ná'ogue najo, qaiyi qaica ca ishit pataxalgoto ca nasauaxaset qamiri ma' novi' ca qara'gaxala' Jesucristo.

1 Tesalonicenses 5:2

Ma' qamiri mashic 'yiiñita ca na'xa'a ma' novi' rapil so qara'gaxala'. Novi' so'maxare, ma' sqaica ca qaỹahotaque, 'nejem ca cuataxai quiyi pe.

2 Tesalonicenses 2:2

quiyim mesqai chaqa'ma' dalaxachii ca ra'deenataxanaxaguii, chaqai se ro'chii no'm 'ue ca na'qaatec 'ec chicqo'ot so Espíritu Santo, chaqai no'm 'xahitapega na na'qaatqaipi, chaqai no'm 'ue aca nelaata 'ec chicqo'toto qomi', ỹa'xatetac quiyim mashic novi' ca na'xa'a loviraxaqui so qara'gaxala'.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

Santiago 5:8

Ca' coñiỹa da reualaxaviguii qamiri qai'neeta, se reualliñi, ma' da loviraxac quiyim rapil so qara'gaxala' tot qoỹoqaque.

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.