Lucas 17:21 - La'qaatqa ñi qota'olec Qota'olec & Qota'olec Novita Na Qomyipi

²¹ Chaqai se qohinac: “'Ena hueeta'ñi”, loqo'm “'Eda hueeta'gue”; ma' da lo'ueenataxanaxac ñi qota'a mashic hueetanguilo qamiri.

Lucas 17:21 Iomraidhean Croise

Mateo 12:28

Qam ỹim so'daauec na ne'ec lecmaxaic, sahote'e da lquesaxanaxa ñi ne'Espíritu ñi qota'olec. Ca dá'maq 'neeta dajo quiyim mashic novitalo qamiri da lo'ueenataxanaxac ñi qota'a ma' ỹoiquentac ná'ogue najo.

Marcos 13:21

Ca no'm 'ue ca 'naac caqamiri: “'Ajñii, 'eda hueete'ena dá'maq nashi nca'laxaqui”, loqo'm 'naac: “'Ajñii, 'iyi hueete'e”, totaxan viilec.

Lucas 17:23

Ca' quiyi ma'le, ca' qohiñiỹapegaxaua': “Najo hueete'e”, loqo'm “'Iyi hueeta'ñi.” Qam mesqo quii, chaqai se coỹari'tegue.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Juan 1:26

Ca' so Juan 'naaco': —Ỹim sachilaxanataxana na huaxaỹaq, qam 'ue so ỹalequetauguilo qamiri, qam qamiri sqai huañiỹapega.

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.