Lucas 17:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Lucas 17:16 Iomraidhean Croise

Génesis 17:3

Ca' so Abram ni'iiñi, ỹoviraqta'guit na latap na 'laua co'na' ñaq retaqatac ñi qota'olec, 'naaco':

Mateo 10:5

So Jesús ilate' saua doce lapaxaguinatqa, ca 'uo' da laqataxac, 'neetasa': —'Neeto' quiipegueto naua 'lauari sqai neetalgoto na judioipi. Chaqai sqai viriu'a na na'aateripi huaugui yi 'laua Samaria.

Mateo 2:11

Ca co'na' inoxondo queca 'imec, ca iuanteta so noctoqui' chaqai aso María só'maq late'e. Ca' ỹa'chi'iñi naua le'cootal, ca' imaqachine' so noctoqui'. Na' ime, ca ỹauajñiguilo saua lloxoqui', ca ỹachite' quena 'oro, chaqai nichiinaxanaxat, chaqai na louaq ana qo'paq lo'daxaraic lahita, leenaxat mirra.

Marcos 5:33

Ca' aso 'aalo i'loxolqachit da lqolonaxa, ma' ỹa'deenta dá'maq 'neeta. Ca' quepegue', ca ỹa'dooto naua le'cootal so'maxare, ca ỹa'xatem dá'ogue dá'maq 'neeto' na'le.

Lucas 17:17

Ca' so Jesús 'naaco': —¿Mesqai diezo' ca imeuec nqohin na loshicmaxa? ¿Hueesa'gue caua liỹa' nueve?

Lucas 5:8

Ca co'na' iuana dajo so Simón, ca' ỹa'dooto naua le'cootal so Jesús. Ca' 'naapega, 'naaco': —Noỹoochirec caỹim qami' ỹa'gaxala', ma' ỹim ỹaatqajam aỹim ỹale sauaqhuaic.

Juan 4:9

Ca' aso 'aalo Samaria lase 'naaco': —¡'A! ¿Chi'neco' ma' qami' judío le'ec, qam yashiila'e' queca raquipi', ma' ỹim Samaria lase? (Ma' na judío laseripi se retaxaỹa'pegue' na Samaria laseripi.)

Juan 5:23

qaiyi ná'ogue na qomyipi imaqachin na llaalec, 'nejem nqai'en da lemaqajnataxanaxa quiñí'maq leta'a. Cá'maq se imaqachin ná'maq llaalec, ca se imaqachin ñí'maq leta'a ñí'maq nela'.

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

1 Corintios 14:25

Ca ná'maq hueetagui añi le'taxanata re'oq. Ime, ca' ishit ỹa'yi'iñi naua le'cootal quiyim imaqachintac ñi qota'a, chaqai ỹa'xatetac quiyim ỹaatqajam llic ỹalequetauguilo qamiri ñi'maxare.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.

Apocalipsis 4:10

ca' so veinticuatro qo'xoiquipi ỹa'chi'iñi naua le'cootal quiyí'maq reloqota'ñi so'maxare, ca' imaqachin só'maq sqaica lqodoc da nachaalataxac, ca' illiguiñi ana nado'ontañi quiyí'maq reloqota'ñi so qa'xanqa'. Ca' 'nerac:

Apocalipsis 5:14

Ca' saua cuatro ise' nca'leesauec 'neraco' quen: —¡Ajá'a, chaqaida 'neeta dajo! Chaqai so veinticuatro qo'xoiquipi ỹa'chi'iñi naua le'cootal, ca imaqachin ñí'maq qaica lqodoc da nachaalataxac.