Lucas 17:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' ỹovita só'maq hua'ñi na na'aaterolqai', ca' qaỹanaqta'guit so'maxare queso diez qomyipi mashic rishiita na loshicmaxa, qam qoỹoqo'ta yi hueete'e queso'maxare.

Lucas 17:12 Iomraidhean Croise

2 Reyes 5:27

Ca' vichiguiño' da le'ne' so Naamán nategue qami' chaqai quena qachaalaxai'ipi, ca se neme, qaica lqodoc. Ca co'na' so Giezi ca'e so Eliseo, ca' rishiita na loshicmaxa chaqai ỹalagaq, 'ec ana loñi.

Éxodo 4:7

Co'na'le, ca ñi qota'olec liỹo' 'naapega so'maxare: —Liỹa shichiri'ñigui ana rotogui'i' na rqai'laxachi'. Ca' chaqaida 'ne'tegue so Moisés. Ca co'na' liỹa navicshiguim, ca' no'ueenta, liỹa 'nejem ná'ogue na loshicmaxa.

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Lucas 5:12

Ca co'na' hueetau'a so 'óna quiyi na'aateripi so Jesús, ca' anaco' so qom rishiita na loshicmaxa. Ca' ỹa'dooto naua le'cootal, ỹoviraqtañi na latap quena 'laua. Ca' ne'xoresene'tot so'maxare, 'naaco': —Qami' ỹa'gaxala', 'nesam shichi'o', quiỹo'irec na yalolaxa.