Lucas 16:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' vichiguiño' saqachiỹaxaua' qamiri quiyim 'ueenataxañiỹa dá'maq lesallaxa ná'maq qomyipi ỹo'ueeteta'pe naua se no'viiñi, qaiyi 'ue ca namigohi, qaiyi ma' ỹovita imeho da nesallaxa, ca' ishit quiyim 'ue ca ỹacoñiguita qamiri queca na'a' sqaica lqodoc queda piguim.

Lucas 16:9 Iomraidhean Croise

Salmos 73:26

Dá'ogue da shinta imeuo, qam ñi qota'olec ñí'maq ỹalamaxaret sqaica lqodoc, ma' chaqaiñi ñí'maq nolliitañi añi i'taxanata.

Proverbios 23:5

No'm ỹaatqajam 'ajñite', ca' huañita quiyim qaica ca nesallaxa; ca' chita'gue, ca eec ỹoota 'ec na chirálo, 'ec ñaxaterec caua laua'.

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Mateo 6:19

'Neeto' lapooñitañi ca resallaxahi quenajo 'laua, ná'maq hua'ñi na pit richigaxan, chaqai ná'maq hua'ñi quiyim ichirichiguiñi canchaqaica nouenec, chaqai ná'maq hua'ñi quiyim ca cuataxai ishit inoxono, ca' rocachi.

Mateo 6:24

Qaica ca ishit quiyim dos caua na'cooro'. Ma' ỹamaqa'gue ca 'óna chaqai nqo'ta ca liỹa, loqo'm 'xaỹaxanaxaraic queca 'óna chaqai se ỹaqamaq queca liỹa. Ca' se ishit qaro'ueenataxanot ñi qota'olec chaqai aca re'qoochigui plata.

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Lucas 12:33

Miiñii naua rouenaxahi. Ime, ca' 'ỹaañim na 'ue ca ỹouentaque. Ime, ca' 'viichii aca qachoxoguii se ishit quiyim qo'oq, chaqai da nesallaxa hueeta'gue da piguim ma' se imeho, chaqai se inoxono ca cuataxai, chaqai se rechigaxan ca pit.

Lucas 14:14

qaiyi ỹaatqajam chalego ca ra'maxa'e'. Ma' na'maxare se ishit quiyim rishivichiñi'. Qam qami' ma'le 'ue ca nishiuetenaxaqui', ma' ỹovita quiyim liỹa qanca'laxatec ná'maq ỹaatqajam 'maxaraic da no'ueenataxac qomyipi.

Lucas 16:11

Ca' vichiguiño' queda 'neeta quiyim sqa 'maxachiỹa'gue da lesallaxa na qomyipi sauaqhuaic, ca' ¿nega'ỹo' ca ishit quiyim pi'ỹa'alo qamiri quiyim pataxalgoto qamiri cá'maq ỹaatqajam nesallaxa?

Lucas 16:13

Qaica ca nelaatec ishit quiyim ro'ueenataxanoto caua dos na'cooro', ma' noquii'a ca 'óna, ca nqo'ta ca liỹa, loqo'm na'xaỹaxane'ta ca 'óna, ca sqaica ca ỹauaaque ca liỹa. Chaqai se qaishit qaro'ueenataxanot ñi qota'olec, chaqai ca nesallaxa.

Lucas 16:4

Ajá'a, sanata nagui da shine'tegue, qaiyi 'vii ma'le caua iconchiguit aỹim quiyim 'ue ca sau'a ca la'a', ma' qaica ca ỹo'ueenatec.”

Hechos 10:31

Ca 'naapiguiỹa': “Cornelio, ñi qota'olec 'xaỹa da nqouagaxainaxaqui' chaqai ỹo'leenta'a da rqouagaxa'e' quena' tauañi'sac ná'maq 'ue na louenaxanaxa.

Hechos 10:4

Qam so Cornelio chi ra'iito'oto' so nelaatec chicqashiguim, ma' 'xoic da lqolonaxa, chi nacantauco' quiyim inat: —¿Negue' ca, qami' ỹa'gaxala'? Ca' so nelaatec 'naaco': —Ñi qota'olec ỹacoñiguit da nqouagaxainaxaqui' chaqai da 'ñiisari' quena' tauañi' ná'maq 'ue louenaxanaxa.

2 Corintios 4:17

Ma' dá'maq qare'xoric queda qanachaalataxac cocho'qui' chaqai sqaỹaloq ime'uegue. Ca' chaqaida dá'maq chicqochigui quiyim noviraqtoxoua' da lauaq sqaica ca lqodoc chaqai ỹapacauec, sqai 'nejem na qane'guenaxaquipi.

Judas 1:21

Chaqai sqai 'xañiuec da le'xorenataxanaxa ñi qota'a. Chaqai nauaañita'guit ca na'xa'a quiyim so qara'gaxala' Jesucristo quedá'maq lqouagaxa, ca' ỹaanema qomi' ma'le ca nca'laxa sqaica lqodoc.