Lucas 16:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

Lucas 16:8 Iomraidhean Croise

Génesis 3:1

Qam so nanaic paguec co'ỹaxaraic quená'ogue na liỹa iseripi neuec quená'maq lo'ueenatec ñi qara'gaxala' qota'olec. Ca inato' aso 'aalo: —¿Peeta'a llic quiyim ñi qota'olec se ỹasenema qamiri quiyim a'guii ana la ana qo'paq quena lanaxanqa'?

Éxodo 1:10

Ca 'maxaraic quiyim sahoqe ca shinqa'tegue, ca' squepaxataq, qaiyi se nqo'neuec. Ma' sqoue quiyim 'ue ca lauataq, ca' huaxaiguit ca qanpa'guenaxaua, ca nco'ỹa'to qomi', ca' ca'e najo 'laua.

Mateo 12:32

Chaqai canchaqaica quiyim 'ue ca ỹa'xat se no'uen quenajo ỹale llaalec, qaishiteta qaỹapalaxat ca lasauaxaset. Qam cá'maq retaxaỹa'guit so Espíritu Santo, se qaỹapalaxat quenajo 'laua loqo'm queca liỹa 'laua ñaqa naata.

Mateo 17:26

Ca' so Pedro 'naaco': —Ná'maq chicqauec. Ca' so Jesús 'naaco': —Vichiguiño' ná'maq lalamaxareteripi, ca' se ishiueten.

Lucas 16:10

Cá'maq ỹa'maxate'tegue quiyim sqa lo ca reloqota'a, ca chaqaida 'neeta ỹa'maxate'tegue quiyim 'xoic ca reloqota'a. Qam ca se ỹa'maxata'gue cá'maq sqo vite', qai'neeta se ỹa'maxata'gue ca 'xoic quiyim reloqota'a.

Lucas 16:4

Ajá'a, sanata nagui da shine'tegue, qaiyi 'vii ma'le caua iconchiguit aỹim quiyim 'ue ca sau'a ca la'a', ma' qaica ca ỹo'ueenatec.”

Lucas 16:7

Ime, lotqai inat so liỹa, 'naac: “Qam qami' ¿ỹote' aca ra'ualli'i'?” Ca so'maxare 'naaco': “Cien naloqojnaxaqui na trigo.” Ca só'maq neloxoỹaq queso na'a' 'naaco': “'Ana na ra'ualli'i' lomalate; 'chiriñi aca ochenta.”

Lucas 18:6

Ca' so qara'gaxala' 'naaco': —Ca' 'eda da 'naaco' na'le so nocqaic nimiitaxanaq quena nasauaxaset.

Lucas 20:34

Ca' so Jesús 'naaco': —Quenajo 'laua seuqatalec, na ỹalliripi chaqai na 'aallipi ishit o'nata'.

Lucas 20:35

Qam cá'maq taachigui quiyim inoxoneu'a ca liỹa 'laua quiyim mashic liỹa nca'leuec, quecajo liỹa 'laua, ca tot ishit quiyim 'ue ca 'on, chaqai tot ishit 'ue ca ỹo'naxan aca llaale.

Juan 12:36

Ca' viilec nagui najo ncoỹeraxanqate, ma' ñaqai hueetauguilo qamiri, qaiyi viriỹau'a quiyim qai'neeta 'ue ca lauaxai' qamiri. Ca co'na' ime 'naac dajo, ca' so Jesús eec nqañoqtapeguema saua'maxare.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.

Filipenses 3:19

Ca ma' ỹovita ca lqodoc, ca qaiqa'viỹa'gue na'maxare ma'le. Ma' chaqai queeta'pegue' ná'maq chi lamaanaxanqachic na loshicmaxa, chaqai nemaqajanlec ná'maq ỹo'uet quet ca layiloxo, chaqai qainaata ỹa'deentapega ná'maq hueetalec na 'laua.

1 Tesalonicenses 5:5

Ma' qamiá'ogue viitaugui yi na'xa'a ma' re'qoochiguiñi, ma' sqai seuqataugui yi pe ma' napalaxa.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.