Lucas 16:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Chaqai sqaidaata quedá'ogue dajo, ma' 'ue na ỹaatqajam qoỹoqochi'ñigui lqodoc hueetanguilo qamiri qai'neeta coqomi'. Ca' vichiguiño' se ishit quiyim 'ue ca chicqochi'ñi najo quiyim ta'ñina, chaqai se ishit quiyim 'ue ca chicqa'ñina, ca naashi'ma na senqata'ñi.”

Lucas 16:26 Iomraidhean Croise

Salmos 50:22

Ca' 'yiiñita nagui dajo qamiri mashic couahi'e ñi qota'olec, 'neeto' lahiletajlgoto nqaishine' qamiri, ca' qaica ca ro'ootaxanlgoto qamiri:

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Lucas 12:59

Ca' aỹim shinapega qami' quiyim sqai shichi' nenoxoñirec cacajo ncoñiitaxanaxaqui quiyim saqa' shivichiñi' aca pa'aatec ra'ualli'i'.

Lucas 16:25

Qam so Abraham 'naapego' so'maxare: “Qami' ỹaalec, no'viñitegue quiyim caqami', ma' ỹaatqajam qaica ca viñire'e na' llaq rca'lli'sauec, qam ñi Lázaro se no'uen na'le. Ca' nagui ñi'maxare 'xoic da nqouagaxa quenajo neeta'ñi, qam qami' 'xoic da re'xoriqui'.

Lucas 16:27

Ca' so nesallaxanec 'naaco': “Qami' ita'a Abraham, ñi'xoresene'tot qami' nagui quiyim lachi' ñi Lázaro quiyim quepegue' yi la'a' ca ita'a,

Juan 3:36

Cá'maq huelec so llaalec ñi qota'olec, ca' 'ue da lca'laxa sqaica lqodoc; qam cá'maq sqai huelec so llaalec, ca' sqaica da lca'laxa. Ta'ta'a quiyim hueetalec dá'maq chalego lecaic nouaxanaxaset quiñi qota'olec.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.

Apocalipsis 22:11

Ca' vichiguiño' nagui cá'maq ỹo'ueetetac cá'maq se no'uen, ca' 'xañisac ñaq ỹo'uet. Chaqai cá'maq napio'xot da nachaalataxac, ñaqai queetalec da napio'qotaxac. Qam cá'maq huagaxaraic, ñaqai queetalec da leuagaxaric. Chaqai cá'maq nañaanto'ot quiyim queeta'pegue' ñi qota'a, ca' ỹaqamqata quiyim queetalec ñi'maxare.

1 Samuel 25:36

Ca co'na' aso Abigail pila'a cá'maq neeta'ñi so Nabal, ca so'maxare ỹo'ueetetac so nqui'ỹaxac lodegaxat 'ec ca lqui'ỹaxac ca nashi, chaqai ỹaatqajam raỹaacotac chaqai quiñiuguetaxaic. Vichiguiño' aso'maxare qaica ca 'naapega, ta'ta'a queso liỹa nete'e.