Lucas 16:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Qam so Abraham 'naapego' so'maxare: “Qami' ỹaalec, no'viñitegue quiyim caqami', ma' ỹaatqajam qaica ca viñire'e na' llaq rca'lli'sauec, qam ñi Lázaro se no'uen na'le. Ca' nagui ñi'maxare 'xoic da nqouagaxa quenajo neeta'ñi, qam qami' 'xoic da re'xoriqui'.

Lucas 16:25 Iomraidhean Croise

Salmos 73:7

mashic nenoterec naua nqote' cana lo'ỹo, chaqai chalego la'aaqa' naua la'deenataxanaxaco.

Daniel 5:30

Ca' chaqaisoota so pe, ca qaỹalauat so Belsasar só'maq lashi so caldeoipi,

Mateo 27:63

Ca 'neraco' queso'maxare: —Qami' qarashi, so'leentaqa'te cajo ỹale 'maatqaic 'naiquen na' ñaq nca'leetauec, quiyim ma' ime'ueque caua tres na'xata', ca lotqai liỹa nca'leuec queca lelauaxa.

Marcos 9:45

Chaqai no'm na richi'i' chicqau'a quiyim 'ue ca rasauaxashichi', qai'neeta chaqairec. Ma' paguec la'maxa quiyim vichirau'a ca nca'laxa qami' chisaq, qam sqai 'nejem quiyim nalo'ojta' naua richilli', qam qarenaqairiñigui ca ncopatoqo' na sauaqhuaiquipi, cá'maq hua'ñi ca norec qaica ishit ỹo'mat,

Lucas 16:20

Chaqai qai'neeta 'uo' so ỹale ỹaatqajam 'xoraic, leenaxat Lázaro. So'maxare ỹaatqajam no'qaata na loshicmaxa quena li'i na lquenaxa, ca' so'maxare nqa'xantañi quena 'laua, nqa'xantau'a na lahi ñi lauo' lasom so nesallaxanec.

Lucas 16:23

Ca co'na' so nesallaxanec ỹaatqajam 'xoic da le'xoric queca hueeta'ñi lapooqo' na lqui'i na leuaxaiquipi. Ca' quiyi, ca' ra'ishiguim, ca iuane'ta so Abraham ỹaatqajam qoỹoqoshi'ma, chaqai so Lázaro huaqate'e' so'maxare.

Lucas 16:26

Chaqai sqaidaata quedá'ogue dajo, ma' 'ue na ỹaatqajam qoỹoqochi'ñigui lqodoc hueetanguilo qamiri qai'neeta coqomi'. Ca' vichiguiño' se ishit quiyim 'ue ca chicqochi'ñi najo quiyim ta'ñina, chaqai se ishit quiyim 'ue ca chicqa'ñina, ca naashi'ma na senqata'ñi.”

Lucas 6:24

Qam 'xoraiquipiolec qamiri ma' qamiri nesallaxanqaipi, ma' mashic 'uo' da ra'maxahi.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Romanos 8:7

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

Filipenses 3:19

Ca ma' ỹovita ca lqodoc, ca qaiqa'viỹa'gue na'maxare ma'le. Ma' chaqai queeta'pegue' ná'maq chi lamaanaxanqachic na loshicmaxa, chaqai nemaqajanlec ná'maq ỹo'uet quet ca layiloxo, chaqai qainaata ỹa'deentapega ná'maq hueetalec na 'laua.

1 Tesalonicenses 3:3

qaiyi qaica ca neualñi da lpi'ỹaxac quena qane'guenaxaquipi. Ma' qamiri ỹaatqajam 'yiiñita quiyim sovirqau'a da qare'xoric quena qane'guenaxac.

Hebreos 11:25

Ta'ta'a quiyim ipaquetaque quiyim le'xoyaxaua queeta'ñi' nqohin so lalamaxareteripi ñi qota'a, sqai cocho'qui' quet ipita'a da lamaanaxanqachic quena se no'uen nasauaxaset.

1 Juan 2:15

'Neeto' rqo'chiỹa na 'laua chaqai ná'maq 'ueenataxaquipi se no'uen hueetalec na'maxare. No'm 'ue cá'maq nqo'ta na 'laua, ca' se nqo'ta ñí'maq qota'olec.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.