Lucas 16:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca co'na' so nesallaxanec ỹaatqajam 'xoic da le'xoric queca hueeta'ñi lapooqo' na lqui'i na leuaxaiquipi. Ca' quiyi, ca' ra'ishiguim, ca iuane'ta so Abraham ỹaatqajam qoỹoqoshi'ma, chaqai so Lázaro huaqate'e' so'maxare.

Lucas 16:23 Iomraidhean Croise

Salmos 16:10

ma' qami' se no'ueenaxachira'ñigui aỹim aca napal lahi', ¡sqa lachira'ñigui aca lahi' ná'maq ỹaatqajam qamaxaraic nauochaxaua'e'!

Proverbios 9:18

Qam caua'maxare se ỹa'deene' quiyim ca lalqaipi, nagui, ca' ca la'al loiquenatec da nelauaxa.

Isaías 14:15

¡Qam ỹaatqajam llic quiyim vichira'ña yi nelauaxa loiquenatec, quedá'maq pa'aañi quiyi nqui'i nouaxanqa'!

Isaías 14:9

Queda pa'ỹaañi quena 'laua ỹaatqajam 'xoic na naỹaac chaqai nenoxonshiguim ca'guit qami'. Na la'al na leuaxaiquipi nelouec, ná'ogue na nashillipi quena 'laua na'le ca'guit qami'; ná'ogue na lashi na ỹoreta'oguit qomyipi na'le ne'laxashiguim quiyi nqa'xanqa'.

Mateo 11:23

Chaqai qami' na'a' Capernaum, ¿peeta'a 'ñiisapega quiyim qaiconot qami', ca vichiro'ot na piguim? Qam qarapilaxajñi qami' ma'le ca qaỹoviraqta'ña ca lapooqo' na leuaxaiquipi. Ma' quetqai queso na'a' Sodoma qaỹo'ueeto' na'le dá'maq se qaiuanapega qaỹo'uet caqamiri, sojo na'a' ñaqa 'ue quet nagui.

Mateo 18:9

Chaqai no'm añi nqochi'i' ñí'maq chicqochigui quiyim 'ue ca rasauaxashichi', ca' naqachi' naqairec qoỹoqo'tegue nqai'ñi'. Ma' paguec la'maxa quiyim noxoñira'a da nca'laxa 'oono'lli' aca nqochi'i', qam mesqai quiyim nalo'ojta' naua nqochichi', ca' qarenaqairiñigui ca ncopatqo' na hualoxonyipi.

Mateo 23:33

¡Qamiri nanaiquipi! ¡Qamiri llaalqaipi na nanaic! ¿Negue' quet cá'maq nañitqarii quecá'maq nouaxanaxashichii ma' qarenaxai'ña ca ncopatqo' na hualoxonyipi?

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Mateo 5:29

Ca no'm añi nqochi'i' pa'a'gue da qatoiqui' ỹaueca'guit qami' ca nasauaxaset, naqachi', ca' naqairec. Ma' paguec la'maxa quiyim 'ue ca na'laañi quenaua rouenaxahi', qam mesqai 'nejem quiyim ná'ogue na roshicmaxa'e' qainaxañigui ca ncopatqo' na hualoxonyipi.

Mateo 8:29

Ca' ỹaualaxai', 'nerac: —¿Chi'negue ma' 'isapegueu'alo qomi', qami' Jesús, qami' llaalec ñi qota'olec? ¿Peeta'a na'itquena quiyim vite ca qanouaxanaxaset quiyim saqa' ỹovita ca laloqo'?

Lucas 16:24

Ca' ỹaualaq, 'naaco': “Qami' ita'a Abraham, yi'xoriñi'. Ñaq nelachi' na Lázaro, quiyim pi'guiloxolaxat na lo'lo ada lpalaaqate queca huaxaỹaq, ca' anac quiyim ipenachit ñi ỹo'legaxanaxat, mashic ỹapaguec na i'xoric quena seuetañigui norec.”

Lucas 16:28

yi'maxare neesa'ñi caua cinco ỹaqaỹa', qaiyi ra'qaataxanema, qaiyi caua'maxare sqa nara'a qai'neeta najo ne'xoyaqa'.”

Lucas 8:28

So'maxare co'na' iuana so Jesús, ca ỹa'chi'iñi naua le'cootal quiyi reloqota'ñi so'maxare, ỹaualqatari': —¿Chi'negue ma' nishichirau'a aỹim, qami' Jesús, llaalec ñi qota'olec ma' ñí ỹapacauec? Qami' ñi'xoresene'tot nagui quiyim se qa'vi'rahic.

1 Corintios 15:55

Qami' nelauaxa, ¿hua'gue ca hueeta'gue ca rquesaxanaxa'e' quiyim qomi' qarque'maqachichi'? Qami' nelauaxa, ¿negue' ca hueeta'gue ca 'ñiisapega rquesaxanaxa'e' 'ñiisapega rauegaxan?”

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.