Lucas 16:22 - La'qaatqa ñi qota'olec Qota'olec & Qota'olec Novita Na Qomyipi

²² Ca 'uo' so na'xa'a, ca' sojo 'xoraic ileu. Ca' anac na lelaatqaipi piguim laseripi ñi qota'a, ca' ỹaueguegue da piguim cá'maq neeta'ñi so Abraham. Ca' so nesallaxanec qai'neeta ileu. Ca' qaishinñi.

Lucas 16:22 Iomraidhean Croise

Isaías 14:18

Ná'ogue na lashillipi na qomyipi quena 'laua queeta'ñi' da lemaqachic, quiñi 'óna hueeta'ñigui acá'maq chi lahi';

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 24:31

Ca ila' na lelaatqaipi piguim laseripi quiyim netenegue da lelamaxa ana lpe'te pe'taxan, ca' qaiyi lapoonta' ná'ogue na lca'acseripi neeta'guelo naua cuatro llico na nonot, qaỹachigoxota'ogalo naua'que naua lahil na 'laua.

Mateo 8:11

Ca' ỹim shinac caqamiri quiyim 'xoic ma'le ca novi' chicqa'gue da lqodoigue chaqai da lauashiguim, ca' nqa'xanñi que'e nouanta'to lqui'ỹaxaua' yaua Abraham, Isaac chaqai ñi Jacob, ma' qainoxona'a ca lo'ueenataxanaxac ñi qota'a queda piguim.

Marcos 8:36

Ma' ¿negue' quet cá'maq 'negue queca qom quiyim ỹomata'ta' ná'ogue na hueetalec na 'laua, qam na'laxatañi da nachaalataxac?

Lucas 12:20

Qam ñi qota'olec 'naapego': “Qami' ỹale ỹaatqajam qaico' ca 'yiiñiraque, quena pe qami' rillivi', ca' ná'ogue ná'maq 'maxachi'sac, ¿negue' cá'maq taalec ma'le?”

Lucas 16:21

Sojo 'xoraic nishiitaque quiyim quemategue na lete na na'ic najñi queso lqui'ỹaxala' so nesallaxanec. Chaqai vire'ta na pioqripi quepegue', colliitac na li'i na loshicmaxa so'maxare.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Juan 13:23

Ca 'uo' so 'óna queso lapaxaguinatqaipi, só'maq paguec lqo'itaxat so Jesús, huaqate'e' co'na' que'eeta'pe.

Juan 21:20

Ca co'na' nqohilec so Pedro, ca idaana'guit coỹaretaho só'maq napaxaguinaxaua paguec lqo'itaxat so Jesús, ma' chaqaiso' só'maq huaqate'o' na'le co'na' que'eeta'pe, ca' chaqaiso' só'maq renataxano' na'le: “Qami' qara'gaxala', ¿negue' cá'maq ỹaano qami' ma'le?”

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.

Santiago 1:11

Ma' quena' nenoxonshiguim añi ra'aasa, ca nqo'neuec na lpa'ỹaaxa na lauaq, ca' ana peue rashivi, ca ana lenoỹaxai najñi, ca imeho da loyac. Ca 'nejem ca nesallaxanec na'laugui ma'le da chi lo'ueenataxanaxac.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.

Apocalipsis 14:13

Ca' 'ue so sa'xaỹaque na'qaatec 'maqot na piguim, ca 'naapiguiỹa': —'Chiriñi dajo: “Ma' quenagui chicqochi'ñi quiyim chalego la'maxa quená'maq mashic ileu, queeta'ñi' quiyim huelec so qara'gaxala'.” Ajá'a, 'naac so Espíritu Santo, quiyim nco'mategue'sopa naua lo'ueenatqa, qam naua lo'ueenataxanaxaco se qaicoua'ahi.