Lucas 16:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Chaqai qai'neeta 'uo' so ỹale ỹaatqajam 'xoraic, leenaxat Lázaro. So'maxare ỹaatqajam no'qaata na loshicmaxa quena li'i na lquenaxa, ca' so'maxare nqa'xantañi quena 'laua, nqa'xantau'a na lahi ñi lauo' lasom so nesallaxanec.

Lucas 16:20 Iomraidhean Croise

Job 2:7

Ca' só'maq viraqataxanaxai ca'e ñi qara'gaxala', ca ilata so Job so nalolaxa chalego la'aaxa, quelec na loshicmaxa, chicqochi'ñiguilo naua lapiaate', ỹoviragui na lqahic.

Salmos 73:14

Ma' ỹaatqajam saqa' ime qayotocqotac, chaqai qaỹouaxantailec quenaua'que naua nete'etari.

Isaías 1:6

Chicqochi'ñi naua qapiaachiri lavilli' ỹoviragui na rqahiguii qaica ca no'ueenta caqamiri; ná'ogue coñirqata, nouaxanec, dalachigui ana ne'neete; qaica ca natarene' qamiri chaqai ca ỹaxajlec, chaqai ca taañi nqai'en na nqui'ic, ỹahote'e na aceite.

Jeremías 8:22

¿Qaico' ca lata' dajo quiyi Galaad? ¿Qaico' ca ratarenataxan quiyi'maxare? ¿Chi'neco' ma' se imeuec na iuo' laseripi? (9.1—13.27 Da na'qaatec taỹaugui na nqolaquipi, chaqai quiyim sqaỹaloq qainaxague da ỹoqa'a 'laua so qomyipi, chaqai da na'maqataxac ñi qota'olec queso'maxare. So qomyipi ỹadentalec quiyim 'ue ca 'ne'tegue so Jeremías. Ñi qota'olec chaqai so Jeremías qatesapega so qomyipi queda lasauaxaset.)

Mateo 26:71

Ca' so Pedro co'na' mashic quepegue' ñi lasom, ca qaiuane'ta caso liỹa. Ca 'naaco' quesauá'maq neesa'anyi: —Sojo ỹale qai'neeta liỹaatac na'le so Jesús só'maq Nazaret le'ec.

Lucas 16:19

'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.

Lucas 16:21

Sojo 'xoraic nishiitaque quiyim quemategue na lete na na'ic najñi queso lqui'ỹaxala' so nesallaxanec. Chaqai vire'ta na pioqripi quepegue', colliitac na li'i na loshicmaxa so'maxare.

Juan 11:1

'Uo' so ỹale ralolaxaic leenaxato' Lázaro, na'ño' yi na'a' Betania yí'maq nera'ñi aso María chaqai aso lqaỹa Marta.

Hechos 3:2

Saua'que saua na'xata' neeta'ño' quen yí so ỹale. So'maxare co'na' chi ne'qaañi chaqa'ma' se ra'ñiiguelo naua lichil. Qaỹodou'o' quen añi no'ueenaxanaxaqui, ca qailla'ñi ñi lasom leenaxat Lo'yaxana, lashiilaxanqa' quená'maq inoxono quiñi'maxare.

Santiago 1:9

Ca qarqaỹa no'm ñaqai 'xoraic, queca'maxare no'uen quiyim ỹaatqajam netoontac ma' ỹovi' ca na'xa'a quiyim qaỹalamaxajñi quiñi qota'a.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

1 Samuel 2:8

Ca' ñi qota'olec ne'laxashiguim nqai'en quena 'laua ca 'xoraic, chaqai ỹachigoxochichicñigui na lete loma' ca shiilaxanaxaic; ca' nqa'xanaxañigui na nashillipi, chaqai illa'ñi ca 'xoic lemaqachic noma'; ma' ñi qara'gaxala' ỹaatqajam looỹac na lomala' na 'laua, ime, ca' illaalec ná'ogue nanchaqaina.