Lucas 16:2 - La'qaatqa ñi qota'olec Qota'olec & Qota'olec Novita Na Qomyipi

² Ca' so na'co' roỹaxane'oga so'maxare, ca 'naapega, 'naaco': “¿Negue' ca 'neeta dá'maq qaỹa'xatetac caqami'? Naloqojñi' ma'le ca ro'ueenataxanaxaqui'. Ime, ca' nodo'iro quenajo, ma' totqa qami' neloxoỹaq ma'le quiyi ỹa'a'.”

Lucas 16:2 Iomraidhean Croise

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Mateo 12:36

Ca' ỹim shinac caqamiri queca na'xa'a ma' qaimit ná'ogue najo, ma'le, ca' ná'ogue na qomyipi chi ỹa'xat ná'maq chi la'qaatqaipi se retane'uegue quiyim ỹa'xat.

Mateo 20:8

Ca co'na' mashic pe, ca' so a'co' 'naapega só'maq reloqota'a dajo no'ueenataxanaxac, 'naaco': “Ỹaxañire'oga da no'ueenataxanaripi, ca' shivichiñi'. 'Auaxanchiriño' quiyim shivichiñi' dá'maq co'uaataxantam ro'ueenataxan, ca' ỹovireta'oga nqai'ñi' dá'maq 'avichiguiñi ro'ueenataxan.”

Lucas 12:20

Qam ñi qota'olec 'naapego': “Qami' ỹale ỹaatqajam qaico' ca 'yiiñiraque, quena pe qami' rillivi', ca' ná'ogue ná'maq 'maxachi'sac, ¿negue' cá'maq taalec ma'le?”

Lucas 12:42

Ca' so qara'gaxala' 'naaco': —¿Ca nega'ỹo' ca 'nejem ca nelaatec qamaxaraic chaqai 'deenaxanqachaqaic quecá'maq ca na'co' pataxalec cá'ogue ca louenec queca la'a' quiyim qui'ỹaxanataxan ma' ỹovirelec ca laloqo'?

Lucas 16:1

So Jesús 'naapega qai'neeta so lapaxaguinatqaipi: —'Uo' so ỹale ỹaatqajam nesallaxanec. Ca' so'maxare 'uo' so roỹaxana reloxoỹa'a nqai'en so la'a'. Ca' qara'qaataxana'a so'maxare quesojo neloxoỹaq queso la'a', so'maxare chi iualaxaintac da lesallaxa so na'co'.

Lucas 16:3

Ca' sojo neloxoỹaq queso na'a' ra'deenataxantac, 'naaco': “¿Negue' ca shinto' nagui, ma' ñi ña'co' tot ỹa'ue ca ỹo'ueenatec? Ma' ỹim qaica ca iquesaxanaxa quiyim so'ueenataxan quena 'laua. Chaqai 'xoic da ipocoxo quiyim saỹaata da ỹashiilaxanaxac.

Romanos 14:12

Ca vichiguiño' quiñi 'óna coqomi' chi nichoxotalta' ma'le quiñi qota'olec.

1 Corintios 1:11

Shinac dajo, ỹaqaỹarolqa, ma' na lauo' añi qarqaỹa Cloé ra'qaataxañim quiyim se neuojñiỹata' qamiri.

1 Corintios 4:2

Ca quiyim cá'maq 'ue ca qaipataxalec, no'uen quiyim ỹaatqajam nepeet quecá'maq icoñiguit.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

1 Timoteo 4:14

Ỹaatqajam quirelec 'viichi' dá'maq lo'ueenataxanaxac dá'maq qoỹaañiraxarom quiñi qota'a na' saua la'gaxalate' ná'maq icoñiguit da na'qaatec queda llilnataxanaxac ñi qota'a quiyim ỹashil-lec qami'.

1 Timoteo 5:24

Ma' mashic 'ue na re'oq na leualoxonqaishic quiyim saqa' ỹovita quiyim qaimit, qam 'ue ná'maq saqa' re'oq da leualoxonqaishic, toco' ma' ime qaimit.

1 Pedro 4:10

Chaqai quiñi 'óna ro'ueenataxana cá'maq qoỹaanem quiñi qota'a, ỹa'maxate'tegue da lo'ueenataxanaxac quecá'maq reloqo'tegue ca lqouagaxa ñi qota'a.

1 Pedro 4:5

Qam na'maxare quená'ogue ná'maq ỹo'ueetetac ỹa'xatem ma'le ñi qota'a ma' na'maxatetañi quiyim imit na lasauaxaset na qomyipi, quená'maq nca'leetauec chaqai quená'maq mashic ileu.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.